Search

You may also like

D‘Kooperatioun als Essenz vum Erfolleg
Neiegkeeten

D‘Kooperatioun als Essenz vum Erfolleg

Nach virun engem Joer huet d‘Fondatioun Kriibskrank Kanner der Press

D‘Police bied ëm Mataarbecht
Neiegkeeten

D‘Police bied ëm Mataarbecht

Um Freidegowend huet d‘Police an hirem Bericht uginn, datt de

Déi grouss politesch Erausfuerderunge fir 2018
Neiegkeeten

Déi grouss politesch Erausfuerderunge fir 2018

Ofgesinn datt 2018 Chamberwahlen ustinn, gëtt et fir d‘Regierung nach

Aweiung vun der neier CNS zu Ettelbréck

Aweiung vun der neier CNS zu Ettelbréck

Gëschter huet de Romain Schneider, Minister fir sozial Sécherheet, déi nei Agence vun der Krankekeess (CNS) zu Ettelbréck ageweit. Mat dobäi waren de Christian Oberlé, President vun der CNS an de Jean-Paul Schaaf Buergermeeschter vun der Stad Ettelbréck.

Fanne kann een déi nei Agence op der Adresse 2, Place Marie-Adélaïde L-9063 Ettelbréck.

Virun der sanitärer Kris huet déi fréier Escher Krankekeess 100 Persounen den Dag empfaangen. Mat den neien 150 Quadratmeter stinn elo 5 Guicheten zur Verfügung.

Ma, an de leschte Méint si ganzer 5 CNS-Agence geplënnert, dorënner déi zu Déifferdeng, Esch-Uelzecht, Munneref, Wolz an eben Ettelbréck. De Minister Schneider preziséiert: „Déi geografesch Proximitéit fir déi Verséchert ass e wichtege Punkt fir mech. All Persoun, déi e Service oder e Rot braucht, muss d’Méiglechkeet op den Accès zu enger Uspriechpersoun hunn ouni laang Weeër zeréckleeën ze mussen.“

Duerch eng verbessert Akustik un de Guicheten, woumat eng Vertraulechkeet entsteet, sou wéi ofgetrennte Beräicher, generellem Komfort, ergonomesche Miwwelen, méi Luucht a ville weidere Moderniséierunge wëll een esou an Zukunft e bessere Service bidden. Mam neie visuelle Konzept gëtt dann och d’Identitéit vun der CNS an allen Agencë selwecht vermëttelt.

Opmaacherbild © Ministère fir sozial Sécherheet

Related topics Christian Oberlé, CNS, Ettelbréck, Jean-Paul Schaaf, Krankekeess, Krankeversécherung, Moderniséierung, Romain Schneider, sozial Sécherheet
Next post Previous post