Sichen

Dir kéint och nach folgende gefalen

Chantier Route d’Esch / Kuelebierg – déi nächst Etapp
Neiegkeeten

Chantier Route d’Esch / Kuelebierg – déi nächst Etapp

D’Stad Lëtzebuerg informéiert seng Bierger, wéi och d’Notzer vum ëffentlechen

Kommentar: Eigentlech sollten si sech mat Äppel a Bieren auskennen
Neiegkeeten

Kommentar: Eigentlech sollten si sech mat Äppel a Bieren auskennen

An de Zäite vu Klimawandel, Biodiversitéitskris a gesellschaftlechem Wandel misst

Interessekonflikt bei der Familljeministesch? (eng kommentéiert Analys)
Neiegkeeten

Interessekonflikt bei der Familljeministesch? (eng kommentéiert Analys)

An engem „oppene Bréif“ – dee vun allen Oppositiounsparteie gemeinsam

Duerchbroch fir d’Fuerschung: Nei Erkenntnisser zur Parkinson-Krankheet

Duerchbroch fir d’Fuerschung: Nei Erkenntnisser zur Parkinson-Krankheet

D’Stammzellfuerschung liwwert elo en neien Ugrëffspunkt géint d’Parkinson-Krankheet. Dat interdisziplinäert Fuerscherteam vum Luxembourg Center for Systems Biomedicine (LCSB) vun der Uni.lu huet, ënnert der Leedung vum Prof. Dr. Rejko Krüger, nei Erkenntnisser zur Ursaach vun der Erkrankung an eng potentiell Behandlungsméiglechkeet fonnt.

Wärend 7 Joer ass d’Fuerschungsaarbecht vum LCSB zesumme mat internationale Kollege gelaf. Ma, duerch Tester un gespenten Hautzelle vu betraffene Patienten huet een erausfonnt, datt de Kierper vun Erkrankten net genuch vum Protein DJ-1 produzéiert. Gëtt dees net genuch, respektiv guer kee produzéiert, stierwe wichteg Nervenzellen of an neurodegenerativ Erkrankungen entwéckele sech.

„E wichtegen Apparat fir d’Montage vum Protein DJ-1 ka bei de Patienten net richteg undocken“, erkläert de Prof. Dr. Krüger. „An der Wëssenschaft schwätze mir hei als Folleg vum Problem vum Exon-Skipping. D’Protein gëtt duerch den Defekt guer net eréischt opgebaut“.

Zellspenden erméiglechen dëse Fortschrëtt

Am Joer 2015 gouf d’Lëtzebuerger Parkinson Etüd lancéiert, bei där 800 Parkinson-Patienten an 800 gesond Vergläichspersounen duerch eng kleng Biopsie Hautzellen un d’Fuerscher gespent hunn. Dës Zelle goufen dann am Reagenzglas „ëmprogramméiert“ fir nei Nervenzellen ze produzéieren. Si bilden dann nees Nervenzellen aus betraffene Gehirregioune vu Patient no an erméiglechen d’Analysen.

Parkinson

Ma, déi nei Erkenntnisser veränneren de Bléck op d’Ursaache vun der Parkinson-Krankheet. Doduerch kann och déi medikamentéis Behandlung weidergedriwwe ginn. D’Fuerscher hunn erausfonnt, datt d’Kombinatioun aus de Wierkstoffer Phenylbuttersäure a RECTAS et erméiglechen, datt Zellen sech am Reagenzglas regeneréieren.

Klinesch Tester kommen an Zukunft no. Fir de vum Nationale Fuerschungsfong (FNR) gefërderte PEARL-Programm ss dëst den absoluten Héichpunkt vun der Aarbecht.

Ähnlech Sujeten DJ-1, FNR, Fuerschung, Klinesch Tester, Krankheet, Luxembourg Center for Systems Biomedicine, Nationale Fuerschungsfong, Parkinson, PEARL-Programm, Prof. Dr. Rejko Krüger, Protein, Stammzellspenden, Uni.lu, Wëssenschaft
Nächsten Artikel Virrechten Artikel