Neie Stroossebelag an der Rue de Mühlenbach (23.05-25.05)

Vum Samschdeg, den 23. Mee bis Méindes, de 25. Mee gëtt am Kader vum Chantier vun der CREOS de Stroossebelag an der Rue de Mühlenbach erneiert. Doduerch kënnt et zu Ännerungen am Verkéier.

Et wäert zu folgenden Upassunge an der Zirkulatioun kommen:

• Samschdes, den 23. Mee vu 6:00 bis 20:00 Auer: D’Rue de Mühlenbach ass gespaart tëscht der Place F.J. Dargent an der Rue Charlotte Engels;
• Vu Samschdes, den 23. Mee um 20:00 Auer bis Méindes, de 25. Mee um 5:00 Auer: Sämtleche Verkéier an der Rue de Mühlenbach, tëscht der Place F.J. Dargent an der Rue Charlotte Engels, ass ënnersot. Eleng Awunner vun dëser Strooss dierfen hei fueren.

Och am ëffentlechen Transport kënnt et zu Changementer:

• Vu Samschdes, den 23. Mee um 20:00 Auer bis Méindes, de 25. Mee um 5:00 Auer: D’Linn 21, déi vum Stadzentrum kënnt, gëtt limitéiert op den Arrêt Eecher Schmelz (provisoreschen Terminus). D’Arrêten École Eich, Eecherplaz an Eich-Centre Culturel entfalen.

De Stater Zirkulatiounsservice wäert sech ëm déi noutwenneg Beschëlderung këmmeren. D’Stad Lëtzebuerg entschëllegt sech fir eventuell Onannehmlechkeeten.