Search

You may also like

Amerika gëtt sech e Gesetz fir den elektronesche Courrier am Ausland ze saiséieren
Neiegkeeten

Amerika gëtt sech e Gesetz fir den elektronesche Courrier am Ausland ze saiséieren

Um Freideg huet den Donald Trump e Gesetz ënnerschriwwen, mat

dislike
Syrien: Ankara schéckt Panzer iwwer d‘Grenz fir Kurdemiliz auszeschalten
Neiegkeeten

Syrien: Ankara schéckt Panzer iwwer d‘Grenz fir Kurdemiliz auszeschalten

Tierkesch Panzer an Infanterie sinn um Sonndeg an de Norde

Lëtzebuerger Artisten Center: Ausstellung zu Steesel
Neiegkeeten

Lëtzebuerger Artisten Center: Ausstellung zu Steesel

D’Gemeng Steesel huet wärend Päischten alt nees eppes fir Konschtfrënn

Nohëllef- an Opfrëschungscourse fir Schüler: Umeldung bis de 26. Juli 2020

Nohëllef- an Opfrëschungscourse fir Schüler: Umeldung bis de 26. Juli 2020

D’Schouljoer 19/20 war fir Schüler, Léierpersonal an Elteren eng Erausfuerderung. Mat der grousser Vakanz kann een nees nei Energie tanken a sech mental op d’Rentrée virbereeden. Ma, deemnächst bitt den Educatiounsministère thematesch Dossieren fir all Klassen, sou wéi Nohëllefcoursen un.

Déi thematesch Dossiere gräifen d’Haaptfächer vun de Schüler vun de verschidde Klassen op a riichte sech souwuel un de Fondamental, wéi och un de Secondaire. AB dem 24. August 2020 kann een d’Material op www.schouldoheem.lu fannen.

All Schüler, deen eng ëffentlech Schoul besicht kritt och d’Méiglechkeet Schoulstoff nozehuelen. Wärend de leschten zwou Woche vun der Vakanz, also vum 31. August bis den 11. September gi speziell Nohëllefcoursen ugebueden. Och Schüler aus private Lycéeën, déi de offizielle Programm behandelt hunn, si concernéiert.

Wéi leeft dat Ganzt of?

Generell gëllt: Wie Schwieregkeete bei der Umeldung huet, ka sech bis de 26. Juli iwwert d’Telefonsnummer 8002-9090 un d’Helpline wennen.

Beim Fondamental ginn d’Nohëllefcoursen fir all Schüler ugebuede, déi 2019/2020 d’Klasse vun den Zyklen 2, 3 oder 4.1 besicht hunn. Um Programm stinn Däitsch, Franséisch a Mathe.

Um Enn vum Schouljoer hat d’Léierpersonal d’Méiglechkeet, fir Schüler mat Schwieregkeeten, bei dëse Coursen unzemellen. Nach bis de 26. Juli kënnen och Elteren d’Initiative ergräifen an de Formulaire vum Ministère ausfëllen, fir hir Kanner an engem Fach anzeschreiwen.

Fir d’Cyclen 2.2 an 3.2 fannen d’Course vum 31. August bis de 4. September statt. Vum 7. bis den 11. September sinn dann d’Schüler vun de Cyclen 2.1 an 3.1 drun. D’Course vum Cycle 4.1 wäerten déi ganz zwou lescht Vakanzewochen stattfannen. Fir d’Schüler vum Cycle 4.2 ginn, mat Bléck op déi zukünfteg Lycéeszäit, Opfrëschungscoursen organiséiert (zum Formulaire).

Beim Secondaire riichte sech d’Coursen un d’Schüler vu 7e bis 2e (zum Formulaire). Dobäi ginn zwou Zorte Coursen ugebueden:

  • Nohëllefcourse fir Schüler, déi en Ajournement kritt hunn (Fächer: Däitsch, Englesch, Franséisch, Mathe, Biologie, Chimie a Physik);
  • Opfrëschcoursen fir Schüler, déi a verschidde Beräicher nach Schwieregkeeten hunn (Fächer: Däitsch, Englesch, Franséisch a Mathe).

D’Coursen dauere vum 31. August bis den 11. September 2020 a ginn an den dräi regionalen Zentren ugebueden: Lycée Michel Rodange (Zentrum), Lycée Guillaume Kroll (Süden) an am Dikrecher Lycée (Norden). D’Aschreiwung muss bis de 26. Juli agereecht sinn.

Bei Schüler aus ëffentlechen internationale Schüler gëllt, datt si sech un d’Sekretariat vun hirer Schoul wenne sollen.

Related topics Educatiounsministère, Fondamental, Grouss Vakanz, Léieren, Lycee, Nohëllef, Opfrëschungscoursen, Schoulfächer, Schwieregkeeten
Next post Previous post