Sichen

Dir kéint och nach folgende gefalen

Brauch de Krautmaart eng Reform?
Meenung

Brauch de Krautmaart eng Reform?

Am Kéisécker-Info vum Februar, der Revue vum Mouvement Ecologique (Meco),

Happy Together – Een Hommage un d’Hôpitaux Robert Schuman
Meenung

Happy Together – Een Hommage un d’Hôpitaux Robert Schuman

Och Sultry, eng modern A-Capella-Grupp aus Lëtzebuerg, huet decidéiert mam

Erwuessenebildung: Integratioun a Kompetenzstäerkung fir „nei“ Matbierger
Meenung

Erwuessenebildung: Integratioun a Kompetenzstäerkung fir „nei“ Matbierger

Gëschter huet den Educatiounsminister Claude Meisch (DP) eng Konventioun zur

Nom Wahlkampf ass virum Wahlkampf

Meenung

Nom Wahlkampf ass virum Wahlkampf

Kaum ass deen ee Wahlkampf zu Enn gaangen, fänkt och schonn deen nächsten un. Et huet een et haart an däitlech op den ënnerschiddlechen politesche Rentrée vun de Parteien héiere kennen. Dat läscht Joer vun der aktueller Regierung wäert nach emol wiesentlech méi mat haarde Streidereien iwwert d’Bühn goen. Well et wëll een sech jo am Kuerzzäitgediechtnes vun den eenzelen Wieler méiglechst breet maachen, fir dann eventuell am Oktober vum nächste Joer dKräiz ze ergatteren.

Wéineg verwonnerlech also, datt elo schonn iwwert d’Halschent vun de Leit mengen, datt des Gemengewahlen iergendwou och e Barometer fir d’Chamberwahle wier. Dat ass net onbedéngt onlogesch, virun allem, well et der vill ginn, déi kloer no hire politeschen Tendenzen wielen. Mee do ginn et dann dach e puer logesch Stolperfalen.

Éischtens kann een net an all gemeng all Partei wielen. Esou vill ass kloer, d’Kommunisten, der adr, d’Piraten, jo mol net déi gréng sinn iwwerall esou present, datt se och iwwerall eng Lëscht opgestallt kréien. Dann hu mer nach guer net vun deene klenge Gemengen hei am Land geschwat wou ee mol net Parteie wiele kann. An zu gudder läscht ass dann do och d’Tatsaach, datt bei Gemengewahlen nach e gutt Stéck méi panachéiert gëtt. De Verglach hinkt also.

An awer menge verschidde Parteien, dorënner d’DP, datt hier Regierungsparticipatioun dozou féiere géif, datt se op Gemengeniveau gestäerkt géife ginn. An och ëmgekéiert. Mee deen Ament kéint ee sech jo schonn den een oder anere Wahlkampf spueren, oder? Genau dorunner hapert et: Déi Wiesselwierkung kennt kloer Limitten. A grad dowéinst wäerte mer dat nächst Joer wahrscheinlech e Wahlkampf gesinn, dee nach emol wiesentlech méi mat haarde Bandage wäert gekämpft ginn.

Ähnlech Sujeten Chamberwahlen 2018, Gemengewahlen 2017
Nächsten Artikel Virrechten Artikel