Search

You may also like

Philharmonie: E super Optakt an déi nei Saison mam OPL
Neiegkeeten WTF

Philharmonie: E super Optakt an déi nei Saison mam OPL

Mam Concert vum Orchestre Philharmonique du Luxembourg (OPL) a sengem

Vereedegung vum Generol Steve Thull
Neiegkeeten WTF

Vereedegung vum Generol Steve Thull

Bei enger feierlecher Zeremonie um Dikrecher Härebierg ass gëschter de

Pedophilie: Kardinol fuerdert datt Fraen sech un der Formatioun zum Paschtouer bedeelegen
Neiegkeeten WTF

Pedophilie: Kardinol fuerdert datt Fraen sech un der Formatioun zum Paschtouer bedeelegen

„Frae mussen sech méi un der Formatioun vun de Paschtéier

surprise

Nuddelen, Bësch-Champignonen a Käschten

All Joreszäit huet seng Spezialitéiten an mir hunn do eppes Besonnesches fir iech

Nuddelen, Bësch-Champignonen a Käschten

Wéi kritt een den Hiecht an d‘Kichen? Dat war eng vun de Froen déi eis dëser Deeg an der Redaktioun beschäftegt hunn. Dat huet jo och eppes mat Nohaltegkeet ze dinn, wann ee sech gastronomesch de Joreszäiten upasst an op lokal Wueren zréckgräift. A wie mengt et géif net genuch Choix, deen iert. Hei dann och emol en einfacht awer lackelegt Rezept.

Lëtzebuerger „Bësch-Pasta“ (fir 4 Leit)

Wat gëtt gebraucht? 1 Déck Zwiwwel, 250 Gr Bësch-Champignonen, 170 bis 180 Gr Käschten (am beschte geschielt a virgekacht), 50 ml Riesling, 4 Läffele Crème, e Grapp frësche Péiterséileg, 500 Gr Nuddelen (Fusili oder Penne si perfekt, mee do soll jidderee maache wéi en denkt). Dozou kënnt nach Salz, Peffer an Ueleg (mir ware vum Lëtzebuerger Rappsueleg gnz iwwerzeegt).

Käschten

Bis dohinner ass d‘Rezept och fir Vegetarier gëeegent, mee falls dat „egal“ ass, kann een nach 100 Gr Speck mat aplangen.

Zoubereedung

D‘Zwiwwel (a falls et zoutrëfft de Speck) a kleng Wierfel schneiden, eppes Ueleg an d‘Pan an dat ganzt goldgiel ubroden, vum Feier huelen an op d‘Säit stellen. D‘Champignone gi „Mondgerecht“ geschnidden, d‘Käschte jee no gréisst wéinstens a véier gedeelt. Dat ganz an der Pan mat der Zwiwwel (an dem Speck) mëschen, déi genannte Mooss Wäin derbäiginn,

KäschtenUschléissend kënnt dat ganzt nees op d‘Feier, wou et kuerz soll opgekacht ginn. Ass dat geschitt, d‘Flam op mëttel-hëtzt erofsetzen an eng 20 Minutte bei zouem Deckel brutschele loossen. Sollt uschléissend nach Flëssegkeet an de Pan stoen, hëlt een den Deckel erof an et léisst een et nach mat eppes Gefill akachen. Ass dat geschitt, da kann d‘Crème an de Péiterséileg ënnergeréiert ginn.

D‘Nuddele sollten dann och esou lues „al Dente“ sinn a wann dat de Fall ass, d‘Waasser ofschëdden an dann an d‘Pan domatter. D‘Flam dann nach emol kuerz héich fueren (3-4 Minutten) an alles gutt mëschen. Zu dësem Plat kann een eng kleng gemëschten Zalot zerwéieren, an eise gudde Miseler Wéngche sollt um Dësch net feelen…

D‘Redaktiounsequipe wënscht senge Lieser e gudden Appetit

Related topics Bësch-Champignonen, Kachen, Käschten, Nuddelen, Wäin
Next post Previous post