Sichen

Dir kéint och nach folgende gefalen

Wee fuere wëll, muss blechen
Neiegkeeten

Wee fuere wëll, muss blechen

Während den éischten zwee Joer, der Stagezäit, muss säit dem

UN-Hëllefsprogramm fir Syrien ëm 6 Méint verlängert
Neiegkeeten

UN-Hëllefsprogramm fir Syrien ëm 6 Méint verlängert

Mat engem Kompromëss konnt sech am UN-Sécherheetsrot a leschter Minutt

Breaking News: Blesséierter no Schéisserei zu Utrecht
Neiegkeeten

Breaking News: Blesséierter no Schéisserei zu Utrecht

An der hollännescher Stad Utrecht soll ee Mann an engem

Fir iwwer 3.500 Jonker gi muer d‘Examen un

Fir iwwer 3.500 Jonker gi muer d‘Examen un

Während muer Méindeg den éischte Grupp vu Butzen nees de Schoulwee an Ugrëff hëlt an et hei wuel éischter wäert drëms goen, dësen de richtegen Ëmgang mat den neie Reegele bäizebréngen, heescht et fir déi eeler Semester motivéiert an d‘Ofschlossexamen ze goen.

Laut dem Communiqué vum Educatiounsministère sinn 3.545 Ofschlossschüler fir d‘Examen am „Secondaire Classique“, dem „Secondaire Général“, an och an den Owescoursen ageschriwwen. Interessant hei, d‘Dammen si kloer Majoritär: Am „Classique“ si vun de 1.725 Schüler 974 jonk Fraen, am „Général“ sinn et der 1.054 vun 1.820 an esouguer an den Owescourse sinn et 11 vun insgesamt 20 Kandidaten. Dorausser ergëtt sech: 57,2% Damme géintiwwer 42,8% Männer.

Dat ganzt huet och en héije Personalopwand. Déi schrëftlech, mëndlech a praktesch Exame gi vun 1.353 Memberen aus 214 Examenskommissiounen evaluéiert. All dës Exame mussen ënnert dem strikte Respekt vun de Mesure-Barrière duerchgeholl ginn, well et och hei heescht, d‘Gesondheet vun der Schüler an dem Léierpersonal maximal ze schützen. Dat verlaangt vun allen Acteure vill Gedold a géigesäitege Respekt, mee et schéngt een all Eventualitéite virbereet ze sinn.

Fir sécherzestellen, datt all Kandidat déi selwecht Chancen huet, an net vun den aussergewéinleche Konditiounen, déi duerch déi vun der Covid19-Pandemie ausgeléiste sanitärer Kris entstane sinn, benodeelegt gëtt, sinn d‘Prozedure fir d‘Ofschlossexamen entspriechend adaptéiert ginn. Esou ginn am Examen ausschliisslech déi Matière behandelt, déi virum 13. Mäerz am Cours duerchgeholl goufen. Eng Rei Questionnaire enthalen esou och zousätzlech Froen oder Themen, déi de Schüler e gewësse Choix erlaben. Och d‘Auer vun den Epreuvë gëtt am Schnëtt ëm 20 Minutte verlängert.

D‘Redaktioun vu moien.lu wënscht alle Schüler a Studente vill Gléck a Courage fir hir Examen, déi jo ënnert besonnesche Konditioune stattfannen. Gitt äert Bescht an haalt iech un d‘Oplagen, déi aus gudde Grënn hu missen opgestallt ginn.

Illustratioun: © Matt Ragland / unsplas

 

Ähnlech Sujeten Abiturient, Covid19, Educatiounsministère, Ofschlossexamen, Schoul
Nächsten Artikel Virrechten Artikel