Search

You may also like

ASTA: Ee waarme, reenerege Wanter 2019-2020 mat e puer Rekorden
Kultur Neiegkeeten

ASTA: Ee waarme, reenerege Wanter 2019-2020 mat e puer Rekorden

Zum Ofschloss vum meteorologesche Wanter 2019-2020 huet de staatleche Wiederdéngscht

Digitaliséierung a Robotiséierung: Mobilu trëtt Arendt bäi
Kultur Neiegkeeten

Digitaliséierung a Robotiséierung: Mobilu trëtt Arendt bäi

Fir seng digital Strategie ze beschleunegen huet d’Entreprise Arendt viru

Rumänien iwwerhëlt d‘EU-Presidence
Kultur Neiegkeeten

Rumänien iwwerhëlt d‘EU-Presidence

Zum Joreswiessel huet Rumänien d‘EU-Presidence vun Éisträich iwwerholl, an d‘Rumäne

ON STÉITSCH 2020: Mat 45 jonken Artisten duerch de Samschdeg!

ON STÉITSCH 2020: Mat 45 jonken Artisten duerch de Samschdeg!

Den 19. September 2020 organiséiert de Service national de la jeunesse (SNJ), an Zesummenaarbecht mam Cercle de Coopération des ONGD vu Lëtzebuerg, déi 13. Editioun vum Festival “On Stéitsch”. Ënnert dem Motto “Net Ouni Meng Mask op den On Stéitsch” wäert d’Evenement spezifesch an dem Kontext vun der Gesondheetskris ugepasst sinn.

On Stéitsch

Programm an Neiegkeeten

Zënter 2008 ass de Festival „On Stéitsch“ zu engem onvergiesslechen Event fir jonk Leit ginn. Fir si ass et eng wichteg Plattform, fir dat eegent Potenzial ënnert Beweis ze stellen. Ma, dëst Joer sinn besonnesch all déi jonk Leit betraff, déi hir Aktivitéiten an d’Fräizäit hu missen opginn. Dofir ass et ëmsou méi wichteg fir si e séchert Ëmfeld kënnen unzebidden an deem si Kreatioune presentéiere kënne, déi an de leschte Méint entwéckelt goufen.

En eklektesche Programm, verdeelt op zwou Bühnen erwaart Iech: Ongeféier 45 lokalen Artisten an och vun der Grouss Regioun. Dobäi huet den SNJ e puer Iwwerraschungen – ewéi de jonke Rapper Southboy, d’Dänzer vun Aircrew mat hirer Loftakrobatik, déi vill Danzgruppen inklusiv Afrosisters, souwéi déi jonk Sängerin Mafalda. Fir der mol nëmmen e puer ze nennen.

Nei dëst Joer ass déi zweet Outdoor-Etapp, genannt “OUT OF THE KLUB”. 10 Museksgruppen, wéi Arduinna’s Dawn oder de Retrospective Quartett, verfollegen sech géigesäiteg bis Mëtternuecht fir Är musekshongereg Oueren ze fidderen.

D’Ëffentlechkeet wäert keng Zäit hunn sech ze langweilen, dank de Stänn an Atelieren, proposéiert vum Challenge Wheel vum Jugendhaus Woodstock. Vum MakerBuzz, dem éischte mobille Makerspace am Groussherzogtum, hin zum méi informative Stand vun der Associatioun Cultur’all, mat där Dir d’Liewenskäschten entdecke kënnt andeems Dir Luxopoly spillt, inspiréiert vum bekannte Gesellschaftsspill “Monopol”, gëtt esou munches gebueden.

Wärenddeem gëtt et an der Rotonde 1 eng Ausstellung vu Fotoen, Videoen, Téin an Zeechnunge vu jonke Leit. All dës Wierker kommen aus ZOOM Workshops initiéiert duerch den Impuls, engem Service vun der Solidarité jeunes Associatioun.

On Stéitsch

On Stéitsch / Facebook

Sécherheetsmoossnamen

E Gesondheetskonzept gouf op Basis vun de Recommandatioune vum Gesondheetsministère entwéckelt. Esou ass keng Bühn méi dobannen an de Festival fënnt ënnert fräiem Himmel statt. De Festival ass a fënnef Zonen opgedeelt, all mat spezifesche Reegelen. De Raum dobausse gouf vergréissert an d’Zuel vun de Visiteure gouf limitéiert fir méi Distanz tëscht de Visiteuren z’erméiglechen. Eng Mask unzedoen ass obligatoresch op der ganzer Säit.

E besonneschen Effort gëtt am Beräich vun der Sensibiliséierung gemaach: en Team vu jonke Leit, d ‘”Corona Coaches”, informéiert d’Leit iwwer d’Gestë fir sech um Evenement richteg ze verhalen.

Alles op ee Bléck

Den “On Stéitsch” gëtt e Samschdeg, den 19. September, ab 14:00 Auer um Site vun de Rotondes zu Bouneweg ofgehalen. De Festival ass gratis an op fir d’Allgemengheet.

Detailléiert Informatiounen, wéi och de Festivalsprogramm fannt Dir op de sozialen Netzwierker (@onsteitsch), oder op der Websäit www.onsteitsch.lu.

Opmaacherbild: © Lucie von Lucilin

Related topics Afrosisters, Aircrew, Associatioun Cultur'all, Atelier, Concert, Corona Coaches, Festival On Stéitsch, Jugendhaus Woodstock, MakerBuzz, Mobille Makerspace, Musék, On Stéitsch 2020, Optrëtter, Out of the Klub, Service National de la Jeunesse, SNJ, Southboy
Next post Previous post