Search

You may also like

Déidlech Halloween-Party zwéngt Airbnb zum ëmdenken
Neiegkeeten

Déidlech Halloween-Party zwéngt Airbnb zum ëmdenken

No enger Schéisserei an enger iwwert „Airbnb“ gelounter Wunneng a

VERRÉCKELT: MAMA MUH UND DIE KRÄHE um 4. Oktober 2020 am Cube 521
Neiegkeeten

VERRÉCKELT: MAMA MUH UND DIE KRÄHE um 4. Oktober 2020 am Cube 521

Déi geplangt Familljevirstellung „Mama Muh und die Krähe“ vum Sonndeg de

Nei WLTP-Wäerter: Den Endverbraucher als Mëllechkou vun der Natioun
Neiegkeeten

Nei WLTP-Wäerter: Den Endverbraucher als Mëllechkou vun der Natioun

Am Kader vum Autofestival, deen elo ufänkt, wëll de Lëtzebuerger

Den Oprëschtungswahnsinn vun der Regierung muss gestoppt ginn!

Den Oprëschtungswahnsinn vun der Regierung muss gestoppt ginn!

D’Majoritéit wäert héchstwahrscheinlech un dësem Donneschdeg, den 23. Juli, iwwert de Gesetzesentworf zur Participatioun vu Lëtzebuerg um MRTT-Programm (Multi-Role Tanker Transport) ofstëmmen. D’Gesamtkäschte fir dëse militäresche Projet belafe sech op ronn 600 Milliounen Euro.

déi Lénk setze sech fir eng radikal Entmilitariséierung an a ka sech dofir just dësem Projet widdersetzen. Dës Investitioun ass ëmsou méi onverantwortlech, wëll d’Land grad eng zweet Well vun der Covid-19-Pandemie duerchleeft.

Zum Vergläich: De Konjunkturprogramm „Neistart Lëtzebuerg“, deem säin Zil et ass, déi sech ofzeechnend beispillslos Wirtschaftskris ofzefiederen, profitéieren just vun enger Enveloppe vu 700 Milliounen Euro; fir déi energetesch Sanéierung stellt d’Regierung grad emol 20 Milliounen Euro zur Verfügung. D’Regierung setzt also hir Oprëschtungspolitik wärend der Covid-19-Kris fort ouni sech ze schummen a beweist domat, datt si an de leschten dräi Méint näischt geléiert huet!

D’Pandemie huet kloer gewisen, datt dës Sue besser anzwousch anescht investéiert kéinte ginn: Am Gesondheetssystem, an eng Ëmweltpolitik, déi dësen Numm verdéngt, an een héichwäertegen ëffentlechen Déngscht, an d’Mobilitéitspolitik…

De Gesetzesprojet gëtt iwwerdeems an der leschter Parlamentswoch mat minimaler Diskussiounszäit gestëmmt, also ouni echten Debat. Wann et awer e Projet gëtt, deen eng Diskussioun verdéngt, dann den MRTT mat sengem risege Budget, deem seng Nëtzlechkeet staark bezweifelt ka ginn.

Doriwwer hannenaus ass et een offensiivt militärescht Instrument. Et gëtt genotzt, fir Kampffligeren mat Kerosin fir den Asaz ausserhalb vun der europäescher Grenz ze versuergen.

déi Lénk si géint dëse Projet a fuerderen d’Regierung op, hir Prioritéiten nei ze definéieren an d’Wettrëschten direkt ze stoppen!

Matgedeelt vun déi Lénk

Opmaacherbild © Omar Belattar / Unsplash

Related topics Budget, déi lénk, Finanzen, Fuerderung, Militär, MRTT, Multi-Role Tanker Transport, Oprëschtung, Pandemie, Regierung
Next post Previous post