D‘CSV fuerdert eng Orientéierungsdebatt an der Gesondheetspolitik

Nodeems d‘Regierung widderholl affirméiert huet, d‘Alternativen zur klassescher Hospitalisatioun fërderen ze wëllen, Offeren déi eng Ambulanz doheem oder intermediaire Strukture begënschtegen ze ënnerstëtzen, fuerdert d‘Oppositioun an der Chamber eng Orientéierungsdebatt.

Bei dëser Aussprooch misste folgend Punkten ugeschwat ginn:

• d‘Offer vun der Hospitalisatioun doheem, d‘Schafe vu Soin-Strukturen oder aneren intermediaire Strukturen (Wéi en Typ vu Struktur, Konzept, Personal, Formatioun an finanziell Ureizer);
• déi medezinesch Praxis am Grupp an Diszipliniwwergräifend, wéi och d‘Kollaboratioun tëscht dem Spidolssecteur an dem ausserspidolesche Secteur;
• d‘Reevaluatioun an déi eventuell Upassung vun der Lëscht vun de Kompetenzzentren;
• d‘Konventionéierung vum Secteur vun de privaten Ambulanzen an d‘Organisatioun vun de sekundären Transporter (Zum Spidol an nees Heem);
• d‘Organisatioun an d‘Ëmsetzung vun der Proximitéit-Pediatrie;
• den Arrêt vum Verfassungsgeriicht an d‘Fro vun der Aféierung vu private Cabineten zur Ausféierung vun der Magnéitresonanztomographie (MRT).