De Pad vun de Fluchthelfer – um 18. August zu Ëlwen

Um Sonndeg, den 18. August begi mir eis op d’Spure vun de Fluchthelfer. Déi geféiert Wanderung streckt sech iwwer 8 km an iwwerzeegt duerch säin historescht Naturerliefnis.

Och dëst Joer organiséiert den Naturpark Our nees seng geféiert Wanderung um beléifte „Sentier des Passeurs“ zu Ëlwen. Hei gitt Dir hautno gewuer, wéi d’Geschicht an d’Natur sech an dëser Géigend verbënnt.

Treffpunkt ass den 18. August um 10:30 Auer op der Gare zu Ëlwen. Eng Umeldung ass net noutwenneg. Den Tour vun 8 km dauert ronn 3 Stonnen a kascht 2 € op de Kapp (Kanner ënnert 10 Joer si gratis). Méi dozou ënnert www.naturpark-our.lu.