Sichen

Dir kéint och nach folgende gefalen

Vun neie Waasserschutzzonen an der Bloalge-Pescht
Neiegkeeten

Vun neie Waasserschutzzonen an der Bloalge-Pescht

Am Kontext vun enger sécherlech schwiereger Situatioun an eise Gewässer

Asaz vu chemesche Waffen a Syrien: den US-President wëll militäresch agräifen
Neiegkeeten

Asaz vu chemesche Waffen a Syrien: den US-President wëll militäresch agräifen

Um Méindeg Owend huet den Donald Trump eng „zäitno a

Kaffisgespréich mam Stater Schäfferot
Neiegkeeten

Kaffisgespréich mam Stater Schäfferot

Et ass ëmmer nees e Pleséier, emol de Mount um

Pakistan späert dausende Internetsäiten wéinst Gotteslästerung

Pakistan späert dausende Internetsäiten wéinst Gotteslästerung

Laut Indymedia Informatiounen ergräift d‘Administratioun fir Telekommunikatioun a Pakistan (PTA) eng seele radikal Mossnahmen a geet verschäerft géint gotteslästerech Inhalter an de soziale Medien vir. D‘Bedreiwer vun de Site kéinte mam Doud bestrooft ginn.

Säit Abrëll sollen 12.968 Internetsäiten gespaart gi sinn. Dës Ausso berifft sech Participante vun der Parlamentssëtzung, bei där PTA-Mataarbechter d‘Regierung informéiert hunn. Aus den Informatioune déi virleien geet allerdéngs net ervir wat fir Säiten am eenzele betraff sinn. Gewosst ass fir den Ament just dat Mëtt Mäerz ee aflossräichen Riichter zu Islamabad d‘Regierung opgefuerdert hat, géint ustéisseg Inhalter a soziale Medien virzegoen.

Dëse Riichter huet ugedréit mat engem Uerteel am besonneschen Facebook an vergläichbar Foren spären ze loossen. De Ministerpresident Nawaz Sharif huet dorops hin den Inneministère ugewisen, all Säiten mat entspriechendem Inhalt ze sichen, se dann ze spären an uschléissend d‘Bedreiwer vun dëse Säiten ze bestrofen. Wann a Pakistan vun Bestrofung am Kader vun Gotteslästerung geschwat gëtt, esou ass dann och direkt riets vun der Doudesstrof, wëll dat am Gesetz esou virgesinn ass.

Fir e bessert Versteesdemech muss dann och op dëser Plaz drun erënnert ginn, datt dës Staatscampagne géint Blasphemie an de neie Medien schonns 2012 säin Ulaf hat. Deemools war een islamkritesche Film bei Youtube eropgeluede ginn dee fir zimleche Rämmidämmi gesuergt hat. De Reproche vu Gotteslästerung trëfft awer och Blogger déi sech Gesellschafts- an/oder Militärkritesch äusseren.

Wéi eng schlëmm Konsequenzen dat fir dee Concernéierten kann hunn, erläutert folgend Affär: Mëtt Abrëll hat ee Mobb an der Stad Mardan, ausgeléist duerch eng vermuttlech Beleidegung vum Islam oder dem Prophet Mohammed, zum Doud vun engem Student gefouert. Spéider sollt sech dann erausstellen, datt de Virworf onberechtegt an d‘Affer falsch beschëllegt gi war.

Ähnlech Sujeten Digital, Internet, Pakistan
Nächsten Artikel Virrechten Artikel