Search

You may also like

100 Joer Russen zu Lëtzebuerg – Geschichte vun enger atomiséierter Diaspora
International Neiegkeeten

100 Joer Russen zu Lëtzebuerg – Geschichte vun enger atomiséierter Diaspora

Dat historescht Wierk 100 Jahre Russen in Luxemburg vun der

Vill eidel Geschäftsraim zu Esch-Uelzecht ginn engem ze Denken
International Neiegkeeten

Vill eidel Geschäftsraim zu Esch-Uelzecht ginn engem ze Denken

No engem Tour duerch déi Escher Geschäftswelt leschte Méindeg, huet

Si si géint de Coronavirus a seng Aschränkungen
International Neiegkeeten

Si si géint de Coronavirus a seng Aschränkungen

Ee Samschdeg war nees eppes „Protest“ an der Stad ugesot.

Palestina: Nee zur Annexioun – Jo zur Unerkennung vum Staat

Manifestatioun um 27. Juni 2020 bei der Place Clairefontaine

Palestina: Nee zur Annexioun – Jo zur Unerkennung vum Staat

Mat der Ënnerstëtzung vum Trump sengem Friddensplang wëll déi israelesch Regierung vum Netanyahu um 1. Juli 2020 eng grouss Partie vum palestinensesche Gebitt annexéieren. Domat wieren 33 % vum Westjordanland, eng vun de fruchtbarste Flächen mat wichtege Waasserreserven nees un Israel gebonnen. Dobäi kommen 118.000 Awunner aus 75 Uertschaften, déi zu engem anere Staat gehéiere géifen.

Israel refuséiert de Palestinenser d’Nationalitéit a souguer dat permanent Wunnrecht, féiert doduerch eng ethnesch Säuberung duerch. Millioune weider Palestinenser bleiwen ouni elementar Rechter op engem komplett fragmentéierte Stéck Land zeréck. Dëse Schrëtt stellt eng uerg Verletzung vun den internationale Rechter duer a bitt béide Staate keng wierklech Léisung.

Israel ass zënter 1967 vum Westjordanland besat. Kolonialisatioun, Enteegnung, Ausweisungen Exekutiounen, Verhaftungen, Ännerunge bei den Terrainen – all dat a méi ass vun der Genfer Konventioun eigentlech verbueden a schéngt elo vergiess ze sinn an en Enn ze hunn.

Um 17. Dezember 2014 huet d’Chamber eng Motioun opgeholl, duerch déi Lëtzebuerg de Staat Palestina mat de Grenzen vun 1967 formell unerkennt. Den Ausseminister Jean Asselborn huet groussen Engagement bewisen, wouduerch de Groussherzogtum grad elo nees Ënnerstëtzung soll bidden. Méi wéi 70 % vun de Memberlänner vun der UNO, dovunner 9 aus der EU, hu Palestina unerkannt.

Am Februar 2020 hunn Politiker a fréier Europa-Deputéiert sech zesummegesat, fir op de Plang „Trump“ ze reagéieren. Dobäi hunn och d’Lëtzebuerger Jacques Poos a Jacques Santer en oppene Bréif verëffentlecht, deen Europa opfuerdert direkt an effikass Moossnamen géint dës Annexioun ze ënnerhuelen, fir esou d’Dignitéit an d’Rechter vun de Palestinenser, d’Zukunft vun der israelescher Demokratie ze schützen an den internationalen Uerder ze erhalen.

Elo näischt ze ënnerhuelen, géif trotzdeem bedeiten, datt een e politesche Kompliz vun der permanenter Spannung ass. Grad an dëser Zäit, wou géint Rassismus an d’Ënnerdréckung vu Minoritéiten, a fir d’Gläichstellung vun alle Mënsche gekämpft gëtt, soll en Zeeche gesat ginn.

Dofir invitéiert de CPJPO (Comité pour une Paix Juste au Proche-Orient) op säi Protest um Samschdeg, de 27. Juni um 11:00 Auer op der Place Clairefontaine. Wien deelhëlt muss sech un déi sanitär Moossnamen halen an eng Schutzmask undoen.

Opmaacherfoto: @NicodelCAP1891 / Twitter

Related topics Benjamin Netanyahu, Comité pour une Paix Juste au Proche-Orient, Demonstratioun, Friddensplang, Israel, Jean Asselborn, Palestina, Trump
Next post Previous post