Sichen

Dir kéint och nach folgende gefalen

Rock aus Lëtzebuerg: KWAÏDAN presentéiert seng éischt Single!
International Neiegkeeten

Rock aus Lëtzebuerg: KWAÏDAN presentéiert seng éischt Single!

Dierfe mir virstellen: KWAÏDAN ass de jéngste musikalesche Bijou aus

Neistart Lëtzebuerg: Dat gëtt net bëlleg
International Neiegkeeten

Neistart Lëtzebuerg: Dat gëtt net bëlleg

E Mëttwoch haten d‘Ministere Pierre Gramegna (Finanzen), Dan Kersch (Aarbecht)

Helsinki: Informelle Meeting vun de Justiz- an Inneminister beréit iwwert Flüchtlingskris
International Neiegkeeten

Helsinki: Informelle Meeting vun de Justiz- an Inneminister beréit iwwert Flüchtlingskris

Nodeems déi europäesch Inneminister bei hirem klenge Sommet zu Helsinki

Keng Iwwerraschung bei de Parlamentswahlen a Polen

Keng Iwwerraschung bei de Parlamentswahlen a Polen

Déi Nationalkonservativ PiS-Partei läit no de Wahlen an de Prognose wäit, ganz wäit virun der politescher „Konkurrenz“. Dem Jaroslaw Kaczynski seng Partei gëtt mat 43,6 % vun de Stëmme kreditéiert, während dat gréisst Oppositiounsbündnis, déi liberalkonservativ Biergerkoalitioun (KO) 27,4% zougestane kritt.

Domatter sollt de Ministerpresident Mateusz Morawiecki e weidert Mandat ustriewe kënnen. Virun den Unhänger sot hie gëschter Owend: „Dëst Resultat gëtt eis ee grousse gesellschaftlechen Optrag, mir hu Vertraue gewonnen“. Sinn Prognose richteg, an dorunner gëtt et kaum Zweiwel, dann huet d‘PiS-Partei mat 239 Mandater, déi absolut Majoritéit. Dofir sinn 231 Deputéiert noutwenneg.

Polen

De fréiere President Lech Walesa huet zu Gdansk seng Stëmm ofginn a gemengt: „Et ass egal wien dës Wal gewënnt, et wäert vill Problemer a Polen ginn“. © Mirek Szczerba

An déi liberalkonservativ Biergerkoalitioun (KO) vun de fréierer „Biergerplattform“ (PO) huet mat 27,4% hir Ziler verpasst, grad wéi d‘Lënksbündnis SLD, mat grad esou 11,9%. D‘Bauerepartei PSL (konservativ) bleift mat 9,6% sécher am Parlament an och dem rietsradikale Janusz Korwin-Mikke seng „Konfederacja“ kann sech mat 6,4% e puer Sëtzer an der Sjem (Chamber) sécheren.

Säit dem Regierungswiessel 2015, huet d‘PiS-Partei ënnert dem Slogan „dobra zmiana“ (gudde Changement) net nëmmen déi politesch Landschaft verännert, si hunn och dem Land hire Stempel opgedréckt. Villes gouf a soll nach reforméiert ginn, wat Bréissel Kappzerbrieches bereet. Esou beispillsweis d‘Reform vun der Justiz, déi mat der EU-Kommissioun fir Gestreits um EuGH suergt.

mat indymedia/waw

Ähnlech Sujeten Jaroslaw Kaczynski, Mateusz Morawiecki, Parlamentswahlen, PiS-Partei, Polen
Nächsten Artikel Virrechten Artikel