Search

You may also like

money
Prognose: Lëtzebuerger Sozialversécherungssystemer ze deier, seet den CNFP
International Neiegkeeten

Prognose: Lëtzebuerger Sozialversécherungssystemer ze deier, seet den CNFP

De nationale Rot fir ëffentlech Finanzen (CNFP) huet bei senge

Ee linguisteschen Nomad: De Präis Batty Weber 2020 geet un de Pierre Joris
International Neiegkeeten

Ee linguisteschen Nomad: De Präis Batty Weber 2020 geet un de Pierre Joris

T’ass d’Mëschung aus Poesie an essayistescher Aarbecht, déi de linguisteschen

Weltbank: Wann et am schéinsten ass, soll ee goen
International Neiegkeeten

Weltbank: Wann et am schéinsten ass, soll ee goen

Laut dem Communiqué vun der Weltbank, huet de President vun

Sozialiste gewannen d‘Parlamentswahlen a Portugal

Eng Victoire déi dem Wirtschaftsopschwong geschëlt ass, awer net déi absolut Majoritéit bruecht huet

Sozialiste gewannen d‘Parlamentswahlen a Portugal

Bei de Parlamentswahlen a Portugal huet dem amtéierende Ministerpresident António Costa seng Sozialistesch Partei eng däitlech Wahlvictoire virzeweisen. Obwuel si sech ëm bal 4% verbesseren, mussen sech d‘Sozialisten op en Neits op d‘Ënnerstëtzung vun hiren aktuelle Partner stëtzen, fir d‘Regierung ze bilden. Dat gutt Resultat vum PS wier dem Wirtschaftsopschwong geschëlt.

D‘Wahlbezierker sinn all ausgezielt an déi Sozialistesch Partei (PS) kritt 36,5% zougeschriwwen. Dat wiere knapp 4,5% méi wéi nach bei de leschte Parlamentswahlen 2015. A senger Ried huet den António Costa um fréie Méindegmuere gestraalt: „De PS huet seng Positioun gestäerkt“ sot hie sengen Unhänger an engem Hotel zu Lissabon. Déi hu just gejaut: „Victoire, Victoire, Victoire“.

PortugalFir den António Costa ass et awer ersiichtlech, datt sech d‘Wieler fir eng Weiderféierung vun der Zesummenaarbecht mat anere Lénksparteien ausgeschwat hunn. E Constat deen sech och unhand dem Resultat vun der stäerkster Oppositiounspartei, der konservativer Sozialdemokratescher Partei (PSD) – si huet déi gréisste Fraktioun am Parlament gestallt – déi mat 29% zolidd verluer huet.

Eng gutt Aarbecht gemaach

Zanter datt den António Costa am Hiecht 2015 d‘Muecht iwwerholl huet, kann ee feststellen, datt sech Portugal wirtschaftlech ganz gutt erholl huet. D‘Wieler hunn dat e Sonndeg mat hirem „Kräiz“ honoréiert, firwat d‘Zuel vun de sozialisteschen Deputéierte vu bis ewell 86 op da mindestens 106 klamme sollt. Fir déi absolut Majoritéit, wieren awer 116 vun den 230 Mandater Noutwenneg.

PortugalAn der leschter Legislaturperiod, konnt sech den 58 järege Jurist, ouni formell Koalitioun op d‘Ënnerstëtzung vum „marxistesche Lénksblock“ (BE) an dem „gréng-kommunistesche“ Bündnis CDU verloossen. An och déi hu – wuel nëmme liicht – zougeluecht: BE kënnt op 10,5% an d‘CDU op 7%. Resultater déi den António Costa begréisst, well se fir Stabilitéit a Kontinuitéit stinn.

Et war ee laange Wee

Réckbléck: 2011 hunn den internationale Währungsfong (IMF) an d‘EU, Portugal mat engem „Hëllefspak“ an héicht vun 78 Milliarden Euro virum Staatsbankrott bewoort. Et gëtt wuel nach ugefouert, datt déi Konservativ d‘Land aus der „Kris“ gefouert hätten, woubäi déi opgrond hirer onmoosseger Austeritéitspolitik ofgewielt goufen. Den António Costa hat do Besseres am Sënn.

PortugalHien huet d‘Spuerpolitik gelackert, d‘Sozialausgaben erhéicht an sech awer un déi vu Bréissel operluechten „Austeritéitspläng“ gehalen. Gutt gehollef huet dem Ministerpresident den Tourismus. E regelrechte Boom an dëser Branche ass der Konjunktur entgéint komm. D‘Wirtschaftsleeschtung läit däitlech iwwert dem europäeschen Duerchschnëtt. An dat soll esou och weidergefouert ginn.

mat indymedia/lis

Foto: © PS

Related topics Antonio Costa, Parlamentswahlen, Portugal, PS, sozialistesch Partei, Wirtschaftsopschwong
Next post Previous post