Sichen

Dir kéint och nach folgende gefalen

Een opschlossräichen Echange tëscht Schneider, Kersch a Carneiro
Neiegkeeten Stories

Een opschlossräichen Echange tëscht Schneider, Kersch a Carneiro

Bei enger Aarbechtsvisitt zu Lëtzebuerg um 11. Februar 2019 haten

Ech si verzweiwelt (Lieserbréif)
Neiegkeeten Stories

Ech si verzweiwelt (Lieserbréif)

Et steet schlëmm ëm eis Geschäftsleit. Nach ëmmer ginn et

What the Fakt – WhatsApp an Zukunft och voller Publicitéiten?
Neiegkeeten Stories

What the Fakt – WhatsApp an Zukunft och voller Publicitéiten?

Am Joer 2014 huet Facebook de Messengerdéngscht fir 22 Milliarden

Pipo Peng: t’Franséischt

5 - t'Franséischt

Pipo Peng: t’Franséischt

Virwuert:
All Sonndeg gëtt eng Kuerzgeschicht aus dem Liewe vum Pipo Peng hei publizéiert. Dëst soll als kleng Hommage un de Guy Rewenig, stellvertriedend fir eng Rei Auteuren aus menger Kandheet, gesi ginn. Als Kand hunn ech all Owend de Kassetterekorder ugeschmass – De Bib bei de Wiichtelcher, de Maulef beim Weier, de Kréckel Néckel souwéi d’Famill Wibbelmaus waren all dobäi. Dat Wierk, wat mech awer am meeschten inspiréiert huet fir selwer Geschichten ze schreiwen, war dem Här Rewenig säi Muschkilusch. Grouss a Kleng solle sech drun erfreeë kënnen.

Deel 1 – Mäin Numm
Deel 2 – E Pak Kichelcher
Deel 3 – D’Mega-Jick
Deel 4 – Tutebatti

5 – t’Franséischt

Ech wier gäre gutt am Franséischen. Ech fannen dat eng ganz schéi Sprooch. Mä ech sinn awer leider net sou gutt doran. Deemools bei der Madamm Asso souz ech ganz vir an ech wousst mol eng Kéier eppes am Franséischen. Ech hunn de Fanger ausgestreckt a wollt onbedéngt d’Äntwert haart soen. Net nëmmen de Fanger hunn ech wéi ee Mëllen an d’Luucht gestreckt, mä de ganze Kierper huet matgemaach. Ech war sou houfreg op mech, datt ech eppes am Franséische wousst.

Ech hu mech kuerz ëmgedréit fir ze kucken, wien dann nach alles ausser mir de Fanger weist. Keen! Net een eenzegen ausser ech wousst d’Äntwert… All Mënsch huet mech op eemol ugekuckt an et war ganz roueg an der Klass. Ech wousst net, wat lass wier. „Firwat kuckt all Mënsch mech dann esou? A firwat geschitt dann elo näischt?“ ass et a mengem Kapp gaangen. Da rifft d’Joffer de Yeff, deen da meng Äntwert gesot huet! Ech hunn dach vill méi laang de Fanger ausgestreckt gehat an och vill méi fest a vill méi riicht!

Spéiderhin hunn ech erausfonnt, datt grad an deem Moment, wou ech mech ëmgedréit hat, d’Joffer Asso mam Fanger op mech gewisen huet fir d’Äntwert ze ginn… Zënterhier hunn ech mech ni méi fräiwëlleg am Franséische gemellt. An ausserdeem sëtzen ech elo ëmmer hannen an der leschter Rei, do wou normalerweis déi cool Kanner sëtzen.

Dat ass vläicht de Grond, firwat ech mat der franséischer Sprooch nach Schwieregkeeten hunn. Oder et läit dorun, datt ech a mengem Alldag net oft d’Geleeënheet hunn, fir Franséisch ze schwätzen. Meng Kollege schwätzen all Lëtzebuergesch. Ech hu mer schonn iwwerluecht gehat, fir heiansdo bei den Här Jean-Baptiste Klaxon eriwwer schellen ze goen a mat deem e bëssen ze poteren. Mä wéi wäert dat dann ausgesinn?! Mat sengem Getuddels kënnt een net wierklech virun an de Gespréicher… „Bonjour Monsieur Jean-Baptiste Klaxon, hutt Dir eng hallef Stonn Zäit? Ech wéilt gäre fënnef Minutte mat Iech schwätzen.“

Opmaacherfoto: pixabay

Ähnlech Sujeten Franséisch, Kuerzgeschichten, Lëtzebuerger Literatur, Melvin Hatto, Pipo Peng
Nächsten Artikel Virrechten Artikel