Sichen

Dir kéint och nach folgende gefalen

surprise
Mam neien Audi A8 fräihänneg an de Büro
Meenung

Mam neien Audi A8 fräihänneg an de Büro

Enn leschter Woch gouf am Garage Losch an der Diddenuewener-Strooss

Hollerecher Bierger fuerderen ee Park
Meenung

Hollerecher Bierger fuerderen ee Park

Méi Gréngs amplaz Beton fir Büro’en De Blo-Gringen Schäfferot vun

cooltonguelaughing
Iwwerrasch eis mat dengem obskure Wëssen iwwer Lëtzebuerg a beäntwer op mannst 8 Froe richteg
Meenung

Iwwerrasch eis mat dengem obskure Wëssen iwwer Lëtzebuerg a beäntwer op mannst 8 Froe richteg

Et kann ee vill komesch Saachen iwwer Lëtzebuerg wëssen. Well

Piratepartei: „D’Regierung hält näischt vun Transparenz!“

Piratepartei: „D’Regierung hält näischt vun Transparenz!“

Dës Woch soll d’Gesetz 6810 zur „Administration transparente et ouverte“ gestëmmt ginn, e Projet deen d‘Regierung als Quantesprong am Informatiounszougank bezeechent huet. Leider huet d‘Regierung hei eppes versprach fir elo genee de Géigendeel ze maachen.

„Dëst Gesetz ass en Intransparenzgesetz“ betount de Sven Clement, Parteipresident vun de Piraten. „Amplaz den Informatiounszougank ze erlaben an esou en ëffentlechen Debat mat Fakten ze erméiglechen, probéiert d‘Regierung an d‘Chamber mat dësem Text de Bierger ze entmëndegen.“

D‘Piratepartei kritiséiert hei all d‘Parteien déi an der Regierung, wéi an der Chamberkommissioun dëst Intransparenzgesetz zustane bruecht hunn. Nodeems d‘Piraten 2014 eng Propose fir en Transparenzgesetz no Hamburger Modell virgestallt haten, muss bedauert ginn datt kee vun de gudden Usätz berécksiichtegt gouf. Schlëmmer nach, esouguer de Grond vun engem Refus soll engem nëmmen iwwert e Rechtssträit (mat Affekot) gewuer ginn.

„Dëst Gesetz „ Administration transparente et ouverte“ ass eng glaat Ligen. Wann d‘Parteien éierlech wieren, géifen se dësen Text „Administration opaque et fermée“ benennen. Nodeems d‘Viviane Reding schonns näischt zu Niewenakënft wollt soen, weisen déi aner Parteien elo, datt och si léiwer Sonndesrieden iwwert Transparenz schmäissen, wéi se an der Realitéit ëmzesetzen.“

„Dëst Gesetz befërdert just Populismus an Debatten ouni Fakten, d‘Regierung muss sech selwer mat der Nues huele wann an Zukunft nach manner mat Fakte kann argumentéiert ginn“, esou de President vun der Piratepartei.

Ähnlech Sujeten Chamber, Chamberwahlen 2018, Piratepartei, Sven Clement, Transparenz
Nächsten Artikel Virrechten Artikel

Deng Reaktioun op dësen Artikel?

  • LOL

    0

  • Cool

    37

  • Fail

    1

  • Cry

    0

  • Angry

    0

  • WTF

    9

  • Crazy

    5

  • Love

    0