Sichen

Dir kéint och nach folgende gefalen

Regierung éiert d‘Zwangsrekrutéiert zu Tambov
Neiegkeeten

Regierung éiert d‘Zwangsrekrutéiert zu Tambov

No hirem Openthalt zu Moskau, wou de Xavier Bettel an

https://moien.lu/fdny-dating-site/
free dating website online
Neiegkeeten

Polnescht Gesetz zur Shoah vun Israel veruerteelt

Israel huet e Samschdeg Polen beschëllegt „d‘Geschicht ëmzeschreiwen“. Dat nodeems

déi gréng: Eist Land brauch eng besser Kulturpolitik
Neiegkeeten

déi gréng: Eist Land brauch eng besser Kulturpolitik

Nodeems déi gréng sech déi lescht Woch fir de Wunnengsbau

E Verbuet vu Plastiksverpackungen a Mikroplastik ass fir d’Carole Dieschbourg keen Tabu

D'Ministesch fënnt um Europarot vun den Ëmweltministere kloer Wierder

E Verbuet vu Plastiksverpackungen a Mikroplastik ass fir d’Carole Dieschbourg keen Tabu

Mat Verpackungen aus Plastik gëtt eis Ëmweltministesch, d’Carole Dieschbourg (déi gréng), net waarm. Datt esou vill op Plastik gesat géif ginn, wier laut der Ministesch der Liichtegkeet geschëlt. Mee d’Konsequenze fir d’Ëmwelt wieren negativ, egal op een d’Klima, d’Ozeaner oder d’mënschlech Gesondheet kuckt. “Mir mussen alles maachen, fir datt de Plastik bei de Verpackungen, deen nëmmen eng Kéier benotzt gëtt, a Produiten, déi Mikroplastik enthalen, vum Marché verschwannen, an dat op déi schnellste Weis, eventuell och duerch e Verbuet”, esou d’Carole Dieschbourg. Si hat um Rot vun den Ëmweltministeren gëschter zu Bréissel hir Positioune duergeluecht.

Et ass bei wäitem net déi éischte Kéier datt d’Ëmweltministesch de Plastik esou an d’Viséier hëlt. Ugangs Februar hat d’Carole Dieschbourg sech an enger Äntwert op eng parlamentaresch Fro géint “ofbaubar” Plastiksfläschen ausgeschwat, well déi méi zum Problem géife bäidroen, anstatt en ze léisen. Am Joer verbrenne mer zu Lëtzebuerg insgesamt 177.000 Tonne Plastiksfläschen. De Mikroplastik ass zënter Joren an der Kritik: E kann an d’Mier an domat am Fësch landen, woumat en an eis Ernierungskette kënnt.

D’Propositiounen bei den CO2-Emissiounen ginn der Ministerin net wäit genuch

De Plastik war awer bei wäitem net den eenzegen Thema, deen um Rot an de Mëttelpunkt geréckelt ginn ass. D’Propositioun zur Reglementéierung vun den CO2 Emissiounen vun neien Autoen ginn der Ministesch net wäit genuch. “D’Propositioune vun der EU-Kommissioun […] féieren net zu enger industrieller Transformatioun vum Automobilsecteur. Mir brauche méi bannent Emissiounsstandarden beim CO2 a mi ambitiéiser fir 2025 an 2030 […]”, ënnersträicht d’Carole Dieschbourg.

Och beim Handel mat Elfenbein huet d’Ministesch eng kloer Meenung. Op nationalem Niveau huet ee schonn e Gesetzesprojet um Wee, fir den Handel mat dësem Réistoff ze ënnerbannen. “E Verbuet vum Elfenbeinhandel ass eng effikass a grondleeënd Méiglechkeet fir d’Liewe vun majestéiteschen a menacéierten Déieren ze retten”, esou déi gréng Politikerin.

 

 

Nächsten Artikel Virrechten Artikel