Sichen

Dir kéint och nach folgende gefalen

angry
D’CFL ass offiziell an den éischten dräi Woche vun 2018 zimlech pünktlech gewiescht
Neiegkeeten Stories

D’CFL ass offiziell an den éischten dräi Woche vun 2018 zimlech pünktlech gewiescht

Et steet een um Quai ze waarden. Et ass kal,

Editorial: Houere Miel, gëtt houere Paangech
Neiegkeeten Stories

Editorial: Houere Miel, gëtt houere Paangech

Eigentlech interesséiert et keen an awer kritt jiddereen et mat.

Feier iwwer Kalifornien: Fënnef Doudeger, Malibu bedreet
Neiegkeeten Stories

Feier iwwer Kalifornien: Fënnef Doudeger, Malibu bedreet

Vun de Flamen an hire Gefier gefaangen: op mannst fënnef

Zesummenaarbecht vu Police an ACL fir eng „sécher“ Vakanz

Zesummenaarbecht vu Police an ACL fir eng „sécher“ Vakanz

D‘Vakanze kommen ëmmer méi no, a vill vun eis wäerten sech mat hirem Gefier op de Wee dohinner maachen. Fir ze verhënneren, datt dës Vakanz mat schlechten Iwwerraschungen op ee waart, hunn d‘Police an den ACL eng réi Rotschléi unzebidden:

Bereet iech an äert Gefier op d‘Vakanz vir!

Wien ouni Kappzerbrieches an d‘Vakanz opbrieche wëll, sollt sech mat Zäite virbereeden, an den Trajet esou plangen, datt dee méiglechst agreabel ze iwwerwannen ass. Dofir:

  1. préift virum Depart, datt dir all déi néideg Pabeieren zesummenhutt (Auswäis, Führerschäin, etc…) an denkt drun separat eng Kopie mat ze féieren. Dat kann engem d‘Liewen erliichteren, sollt een se verléieren oder geklaut kréien;
  2. plangt ären Trajet an haalt iech um Courant wéi et mam Trafic ausgesäit (www.acl.lu). Si Kanner mat derbäi, ass ee gutt beroden eppes mat ze huelen, fir datt se beschäftegt sinn. An informéiert iech iwwert d‘Specificitéite vum Code de la Route vum Land wou et higeet, oder dat duerchfuer gëtt;
  3. kontrolléiert äert Gefier (technesch) iert der iech op de Wee maacht;
  4. fuert ausgerout fort an denkt drun regelméisseg eng Paus ze maachen. Am beschten all zwou Stonnen, an dobäi och aus dem Auto klammen, d‘Been entspanen an duerchootmen;
  5. vergiesst och bei grousser Hëtzt net ze drénken, Waasser ass hei ëmmer déi richteg Optioun. Wann een eppes ësst, dann am beschten eppes Liichtes. A lauschtert och den Trafic-Info;
  6. am Fall vun enger Pann oder engem Accident, versicht wann et méiglech ass d‘Strooss fräi ze maachen, benotzt den Dräieck wéi et virgesinn ass a maacht déi véier Winkeren un. Denkt och drun är Warnvesten unzedoen. Stellt iech net an d‘Strooss mee bréngt iech a Sécherheet.

PoliceAn dësem Kontext dann och den Hiwäis, datt den ACL zu Bartreng, extra fir d‘Vakanzenzäit de Samschdeg 7. / 14. / 21. Juli moies vun 9 bis 12.30 Auer fir iech op huet.

Opgepasst op déi mat de laange Fanger!

De Kampf géint Abréch ass eng vun de Prioritéite vun der Police. Si mécht stänneg eng Analys op regionaler a nationaler Basis. Preventioun spillt hei eng grouss Roll: dofir gi Patrulle gemaach, sech mat de Leit an de lokalen Autoritéiten ausgetosch. Loosst iech net verréckt maachen, mee sidd och net liichtfankeg.

Denkt drun: en Abroch dauert seele mä laang wéi 5 bis 10 Minutten. Wann dir dann an d‘Vakanz fuert, esou bitt d‘Police hir Hëllef un. Wann si Bescheed weess, datt dir net doheem sidd, gi Patrulle bei ärem Wunnsëtz gemaach.

PoliceFir datt d‘Police dann elo awer och Bescheed weess, muss dir iech aschreiwen: dat kann een um „e-Kommissariat“ maachen, oder et fëllt een de Formulaire op Pabeier aus, deen een an all Kommissariat kann ofginn. (Dëse Formulaire kritt een och beim ACL)

Maacht et de Brigangen net ze liicht

Et ass net well e mengt näischt ze hunn, datt näischt ka passéieren. De Brigang weess schliisslech net op eppes ze huelen ass oder net. Dat gesäit hien eréischt wann hien an der Wunneng ass. An och wann näischt matgeholl gëtt, kengem ass et wuel wann e Friemen sech duerch alles gewullt huet.

Am Flyer „Sécherheet duerch einfach Gesten“ ginn déi elementar Rotschléi zesummegefaasst. Dee kritt een och op all Policebüro an natierlech beim ACL. Am Flyer „Mechanesch an elektresch Moossnamen“ kann ee sech en Iwwerbléck verschafen, wéi een d‘Zougäng ofséchert.

Sech den uewe genannte Rotschléi zouzewenne kascht nëmme wéineg Zäit. Wien dat dann awer mécht an och behäerzegt, dee ka mat rouegem Gewëssen an d‘Vakanz rullen. An dësem Sënn wënscht iech d‘Redaktioun vu moien.lu eng gutt Erhuelung.

Ähnlech Sujeten ACL, Police, Sécherheet, Vakanz
Nächsten Artikel Virrechten Artikel