Sichen

Dir kéint och nach folgende gefalen

Weess du, wéi eng Uertschafte sech hannert dëse franséische Nimm verstoppen?
Kultur Meenung can i hook up 8-ohm speakers to a 4-ohm amplifier

best online dating app mumbai

Et ass gewosst, datt eis Uertschaften souwuel e Lëtzebuergeschen Numm

https://moien.lu/online-dating-website-for-free/
Kultur Meenung can i hook up 8-ohm speakers to a 4-ohm amplifier

Katalounien: Generalstreik a masseg Protest géint de Separatisteprozess

Zu Madrid kréien 12 Separatisteleader de Prozess gemaach. D‘Roserei vun

Concours vun AL: Lëtzebuerger Wierder an Ausdréck
Kultur Meenung can i hook up 8-ohm speakers to a 4-ohm amplifier

Concours vun AL: Lëtzebuerger Wierder an Ausdréck

De Lex Roth proposéiert e Spill, bei deem et drëm

surprise

Wann de Popcorn besser wéi de Film ass

Wann de Popcorn besser wéi de Film ass

Heiansdo ass net ze verstoen, wat sech d’Produzenten an Hollywood denken. Ech weess, datt der vill esou denken, besonnesch dann, wann se am Kino stinn, an nach net wëssen, wat se solle kucken. E Bléck iwwert d’Lëscht mat de Blockbuster verréit do villes.

Dëse Summer huet e puer bekannte Gesiichter. Spider-Man ass mëttlerweil beim sechste Film ukomm. Valerian sollt Frënn vu BDe bekannt sinn. En neie Planet der Affen? Klassescher geet et kaum. Mee dat sinn net déi Filmer, vun deenen ech schwätzen. Nee, do stécht mer éischter eppes wéi den The Emoji Movie an d’An.

Net, datt d’Konzept vun engem Film, deen sech ronderëm eppes wéi Emojis dréint, net opgoe kéint. De Lego-Film huet bewisen, datt een net nëmmen déi Kleng, mee och di grouss mat e bësschen Usproch a Witz begeeschtere kann. Dëst ass bei The Emoji Movie – sou wäit d’Kritiken dat erkenne loossen – net de Fall. Op Rotten Tomatoes huet de Film aktuell ganzer 8%. Geld wäert e wahrscheinlech trotzdeem maachen. An dobäi ass de Film net ontypesch fir Hollywood.

Et ginn nämlech Filmer, déi lafen, egal op se gutt sinn, oder net. Mäi léifste Beispill ass sou zimlech alles, wat den Adam Sandler sou mécht. Obwuel d’Folter säit längerem verbueden ass, loossen se dee Mënsch ëmmer nach Filmer maachen! Dobäi falen se souwuel beim Publikum als och bei de Kritiker duerch. An trotzdeem maachen se Geld. A Razzie Awards, net ze vergiessen.

Et ass selbstverständlech Affaire de Goût wat een a punkto Filmer gutt fënnt. An dëse Summer lafe genuch interessant Filmer, egal op se elo op bekannte Saache grënnen oder eppes Neies duerstellen. An dach muss ech mer d’Fro stellen, firwat d’Qualitéit bei de Filmer nach net spranghaft an Luucht gaangen ass, wéi bei den TV-Serien. Sécherlech ginn et nach schlecht Serien, mee duerch de Streaming ass am ieweschten Niveau einfach méi ze fannen. Et kann een eben net méi soen: Ech kucken dat elo, well et leeft jo soss näischt op der Këscht. An dat schued de schwaachen a mëttelméissege Serien.

Braucht de Kinos-Film och eng Streaming-Revolutioun?

Ähnlech Sujeten Film, Kultur
Nächsten Artikel Virrechten Artikel