Search

You may also like

De grénge Post-Dag 2020
Kultur Neiegkeeten

De grénge Post-Dag 2020

POST Lëtzebuerg, eng Privatfirma mat Staatskapital, schléisst sech ville Postbetriber

Iwwert eng Millioun Brite fuerderen en zweete Brexit-Referendum
Kultur Neiegkeeten

Iwwert eng Millioun Brite fuerderen en zweete Brexit-Referendum

Zu London hunn d‘Briten – oder zumindest déi ënnert hinnen

Zesummestouss tëscht zwee Cyclisten – D’Police sicht no Zeien
Kultur Neiegkeeten

Zesummestouss tëscht zwee Cyclisten – D’Police sicht no Zeien

Um Päischtsonndeg, den 31. Mee 2020 koum et an direkter

Porte Ouverte am Hollerecher Schluechthaus

Porte Ouverte am Hollerecher Schluechthaus

Am Kader vun den europäeschen Deeg vum Patrimoine, déi vum 21. bis den 29. September ënnert dem Thema „Konscht an Ënnerhalung“ stinn, luet d’Stad Lëtzebuerg op d’Porte Ouverte vum Hollerecher Schluechthaus an. Dëse Samschdeg sollt ee sech op alle Fall fräi halen!

E Samschdeg, den 21. September kann ee vun 10:00 bis 17:00 Auer de Site vum ale Schluechthaus besichen. A Kombinatioun mat Erklärunge, Fotoen an Aktivitéite fir Kleng a Grouss dierf een esou an eis Vergaangenheet andauchen. Eng Mëschung aus liicht makaberer Atmosphär a dem Drang zur Aventure leeden duerch d’Raimlechkeeten, an deene fréier Déiere fir eise Fleeschkonsum geschluecht gi sinn.

Fir op de Verkéierschaos ze verzichte sollt een am Beschten um P&R Bouillon parken an d’AVL-Linn Nummer 15 (Arrêt Hollerich, Schluechthaus) notzen. Op der Plaz erwaarden Iech ënnert anerem Graffiti- a Skateboard-Atelieren, divers Spiller a Musek.

De Site vum Schluechthaus, deen der Stad Lëtzebuerg gehéiert, zielt eng Fläch vu ronn 2,5 Hektar – dorënner och gréng Ecker. Mat der Lag un zwou grousse Stroossenaxen, verschiddene schouleschen Etablissementer an dem zukünftegen Ecoquartier „Porte de Hollerich“ kann d’Schluechthaus mat senger exzellenter geographescher Situatioun an der Haaptstad iwwerzeegen.

Schluechthaus

Ee spannende Concours

Am Joer 1997 sinn d’Aktivitéiten am Etablissement agestallt ginn, wouduerch ee Skatepark, Stocken an de Sportsservice vun der Stad Lëtzebuerg eng Plaz gebuede kritt hunn. Doduerch, datt am Fréijoer 2020 de Sportsservice op den neie Site vum Boulevard Kockelscheier plënnert, lancéiert d’Stad ee Concours fir Architekten, fir esou de Reamenagement an d’Renovatioun vum Schluechthaus kreativ ze plangen.

Iddien a Meenunge ginn an all senge Facette gesammelt. Esou kënnen un dësem Samschdeg och d’Visiteuren sech abréngen an hir Virschléi op speziell Etikette schreiwen. All Propositioun ass häerzlech wëllkomm!

An enger nächster Phas vum Projet gëtt schliisslech eng Synthees aus alle gesammelten Iddie gemaach. Wat ka schlussendlech ëmgesat ginn?

Related topics Concours, Hollerech, porte Ouverte, Reamenagement, Renovatioun, Schluechthaus, Vergaangenheet, Virschléi
Next post Previous post