Vereedegung fir d’Gemenge Préizerdaul a Mamer

No der groussherzoglecher Veruerdnung vum 9. Januar 2021 an de ministerielle Veruerdnunge vum 22. Januar 2021 sinn de Buergermeeschter an zwee Schäffe vum Préizerdaul, sou wéi ee Schäffe vun der Gemeng Mamer vereedegt ginn.

Fir méi genee ze sinn huet de Marc Gergen säin Eed als Buergermeeschter vun der Gemeng Préizerdaul ofginn. Gläichzäiteg sinn de Fernand Muller a Marc Rehlinger als Schäffen vun der selwechter Gemeng vereedegt ginn. Als Schäffe vun der Gemeng Mamer huet de Luc Feller säin Eed ofginn.

Nom Artikel 6 vum Gemengegesetz, dat um 13. Dezember 1988 modifizéiert gouf, hu si der Inneministesch Taina Bofferding folgend Versprieche misse ginn:

„Je jure fidélité au Grand-Duc, d’observer la Constitution et les lois du pays, et de remplir avec zèle, exactitude, intégrité et impartialité les fonctions qui me sont confiées.“

Opmaacherbild: (v.l.n.r.) Marc Rehlinger, Schäffe vun der Gemeng Préizerdaul; Fernand Muller, Schäffe vun der Gemeng Préizerdaul; Taina Bofferding, Inneministesch; Marc Gergen, Buergermeeschter vun der Gemeng Préizerdaul; Luc Feller; Schäffe vun der Gemeng Mamer © MINT