Search

You may also like

What the Fakt – Den Tom Hanks a säin 63. Gebuertsdag!
Neiegkeeten

What the Fakt – Den Tom Hanks a säin 63. Gebuertsdag!

Spéitstens duerch seng Roll am Film „Forrest Gump“ ass den

Wou ass de Brexit drun?
Neiegkeeten

Wou ass de Brexit drun?

Vu lauter Covid19-Gedeessems, engem sat(elitären) Skandal an der Ongewëssheet op

150 Joer Philharmonie Dikrech – Wat eng musikalesch Geschicht!
Neiegkeeten

150 Joer Philharmonie Dikrech – Wat eng musikalesch Geschicht!

Gëschter Owend war de Vernissage fir „150 Joer Philharmonie Municipale

Elektronesche Patientendossier: Virdeeler fir Patient an Dokter

Elektronesche Patientendossier: Virdeeler fir Patient an Dokter

Zënter dem 1. Januar 2020 si ganzer 625.564 elektronesch Patientendossier (DSP) opgemaach ginn. An Zukunft soll dës geséchert Plattform mat perséinlechen Donnéeën zum gesondheetleche Verlaf vum Patient gefiddert ginn an domat souwuel dem Krankeversécherten, wéi och den Dokteren d’Liewe vereinfachen.

Gëschter hunn d’Gesondheetsministesch an delegéiert Ministesch fir sozial Sécherheet Paulette Lenert, de Minister fir sozial Sécherheet Romain Schneider an de President vun der Agence eSanté Christian Oberlé den DSP emol méi genee presentéiert an déi zuelräich Virdeeler ervirgehuewen.

No enger Testphas koum Ufank dës Jores dat groussherzoglech Reglement zu de Modalitéiten a Konditiounen zur Notzung vum DSP eraus. No an no ginn all Persounen, déi zu Lëtzebuerg krankeverséchert sinn, an dësem System bäigefüügt, wat da folgend positiv Effekter mat sech bréngt:

  • Alles op enger Plaz: Den Dossier gëtt reegelméisseg mat Dokumenter vum Patient zum gesondheetleche Parcours gefiddert. Esou gesäit ee direkt op ee Bléck déi lescht Bluttanalyse, wéi een Dokter oder Spidol ee besicht huet oder och wéi eng Medikamenter ageholl gi sinn;
  • Schnellt Handelen am Eeschtfall: Gëtt de Patient den Accord, datt Professioneller am Gesondheetsberäich op den Dossier zougräifen dierfen, kënnen d’Informatioune schnell an einfach vun engem Dokter zum Nächsten iwwerdroe ginn. Eng besser Koordinatioun an optimal Prise en Charge gi garantéiert, wat am Noutfall souguer Liewe rette kann;
  • Kee Pabeierkrom: Doduerch, datt all Dokumenter op enger Plaz sinn, muss de Patient seng physesch Dossieren net méi mat ronderëm droen, respektiv Informatioune verhalen an/oder ufroen;
  • Organspender: Dës Weidere kann de Patient am Dossier uginn, ob en Organspender ass oder net.

Patientendossier(v.l.n.r.) Paulette Lenert, Gesondheetsministesch an delegéiert Ministesch fir sozial Sécherheet; Romain Schneider, Minister fir sozial Sécherheet © MSS

Den elektronesche Patientendossier ass gratis an accessibel fir all Patient a Professionellen aus dem Gesondheetsberäich, deen zu Lëtzebuerg aktiv ass an déi concernéiert Persoun zu senge Patienten zielt. De Patient huet d’Recht fir engem Dokter den Accès op Informatiounen ze verweigeren, kritt esou och méi eng aktiv Roll.

Den DSP an Zuelen

Nodeems d’Testphas Enn 2019 ofgeschloss ginn ass, ware schonn 59.138 Dossieren opgemaach a mat insgesamt 314.281 Dokumenter gespeist ginn. Ganzer 9 Méint méi spéit ware 77 % vun den 850.000 Krankeversécherten am System dran. Um 30. September 2020 sinn esou 747.637 Dokumenter gezielt ginn. An 299.055 DSP’en huet sech op mannst een Dokument befonnt.

Wärend vum 1. Januar bis den 30. September an der Moyenne 1.553,9 Dokumenter pro Dag eropgeluede gi sinn, huet de September sech als stäerkste Mount erausgestallt mat 3,448,3 Dokumenter pro Dag. Aktuell befanne sech an der Moyenne 2,5 Dokumenter an all Patientendossier.

Dobäi si virun allem Resultater aus de Laboen (81%9 am Dossier ofgeluecht ginn. Op 2. Plaz sti Resuméë vu Patienten (9%), gefollegt vu Resuméen zu de Prestatiounen (6%).

Ab Mëtt Oktober gëtt dann och eng Informatiounscampagne lancéiert, bei där déi verschidde Medie genotzt ginn, fir den elektronesche Patientendossier virzestellen an ze promouvéieren.

Weider Informatioune ginn et op www.esante.lu.

Opmaacherbild: (v.l.n.r.) Christian Oberlé, President vun der Agence eSanté; Paulette Lenert, Gesondheetsministesch an delegéiert Ministesch fir sozial Sécherheet; Romain Schneider, Minister fir sozial Sécherheet © MSS

Related topics Christian Oberlé, DSP, elektronesche Patientendossier, eSanté, gesondheetleche Parcours, Krankeversécherung, Organspender, Patient, Paulette Lenert, Romain Schneider, sozial Sécherheet
Next post Previous post