Sichen

Dir kéint och nach folgende gefalen

surprise
Vum Fluchhafen op d‘Cloche d‘Or a 40 Minutten
International Neiegkeeten

Vum Fluchhafen op d‘Cloche d‘Or a 40 Minutten

Den ambitiéise Plang en Tram duerch d‘Stad Lëtzebuerg fueren ze

What the Fakt – Haut ass den Dag vum Kichelchen
International Neiegkeeten

What the Fakt – Haut ass den Dag vum Kichelchen

Aiii dat ass nees ee kuriéise Feierdag fir all déi

Wirtschaft & Wuesstem zu Lëtzebuerg: „Ouni d‘Grenzgänger géif et béides net“
International Neiegkeeten

Wirtschaft & Wuesstem zu Lëtzebuerg: „Ouni d‘Grenzgänger géif et béides net“

De Wirtschafts- a Sozialrot (CES) huet gëschter am „Haus vum

Presidentschaftswahlen an Island: Zweet Mandatszäit fir de Gudni Johannesson

Presidentschaftswahlen an Island: Zweet Mandatszäit fir de Gudni Johannesson

An Island huet et 252.000 wahlberechtegt Bierger an dovunner hu knapp 67% de Wee an de Wahlbüro fonnt. D‘Islänner waren opgeruff sech tëscht dem amtéierende President Gudni Johannesson an dem Geschäftsmann Gudmundur Franklin Jonsson ze entscheeden. D‘Resultat ass erstaunlech: 92,2% fir den Amtsinhaber. Dat kennt ee soss nëmmen aus Diktaturen…

Island

Woubäi elo dëst Resultat alles wéi näischt mat enger Diktatur gemeng huet. De Gudni Johannesson ass zanter 2016 President vun Island, a kann sech bretze beim Vollek immens beléift ze sinn. Schonn an de Sondage virun der Wahl huet hie bei iwwer 90% däitlech virum Erausfuerderer geleeën. Hien ass ee Mann vum Vollek, steet derzou, an dat kënnt am Land richteg gutt un.

Esou schätze vill Islänner hire President och dowéinst, well dësen seng Buedemhaftung an de Kontakt zu de Bierger ni verluer huet. Hie fiert mat senge Kanner um Vëlo an d‘Schoul, weist Presenz bei Sportveranstaltungen an ass och soss uspriechbar. Datt hien oppe bekannt huet, datt Pizza-Hawaii (déi mat Ananas) en „no go“ ass, hat viru Joren international fir Opreegung gesuergt.

IslandDoriwwer hu se op Island vill gelaacht a souwisou ass et den Islänner wichteg, mam Gudni Johannesson e President vun der nationaler Eenheet ze hunn. Eng Positioun déi den 52 järege Geschichtsprofesser couragéiert verdeedegt an och soss ass hien „anescht“. Déi him zoustoend Gehaltserhéijung hat de Gudni Johannesson net ugeholl an se fir wueltäteg Zwecker gespend.

Island ass wuel net Member vun der EU, mee gehéiert grad wéi Norwegen a Liechtenstein zum europäesche Wirtschaftsraum. Op der Insel wunnen 360.000 Mënschen an Presidentschaftswahle gëtt et all véier Joer, datt allerdéngs och nëmmen dann, wann et méi wéi ee Kandidat gëtt. De Covid19 huet bei dëse Wahle keng Roll gespillt, an Island huet et net emol 10 Infektiounsfäll…

mat indymedia/rek

Illustratioun: © Roan Lavery / unsplash

Ähnlech Sujeten Gudni Johannesson, Island, Presidentschaftswahl
Nächsten Artikel Virrechten Artikel