Search

You may also like

Et geet duer! – Schluss mam organisatoresche Chaos!
Kultur Neiegkeeten

Et geet duer! – Schluss mam organisatoresche Chaos!

Eng Woch no der Reprise am Fondamental schéckt de MENJE

surprise
Nach laang net jidderee weess sech am Bus ze behuelen. Wéi eng Zort Buspassagéier bass du?
Kultur Neiegkeeten

Nach laang net jidderee weess sech am Bus ze behuelen. Wéi eng Zort Buspassagéier bass du?

[onionbuzz quiz-id=117][/onionbuzz] Vir vill ënnert eis ass et en Deel

Humanitär Hëllef vun der EU fir Beirut – 17 Tonne Material goufen ageflunn
Kultur Neiegkeeten

Humanitär Hëllef vun der EU fir Beirut – 17 Tonne Material goufen ageflunn

Méi wéi 17 Tonnen humanitär Versuergungsmëttel, Medikamenter a medezineschem Material

Äre Projet (m)am Naturpark – Verlängerung vum Concours

Notzt Är Chance op eng finanziell Ënnerstëtzung an Héicht vu bis zu 6.000 € fir Äre Projet!

Äre Projet (m)am Naturpark – Verlängerung vum Concours

Eigentlech soll e schonn eriwwer sinn, also de Concours „Äre Projet (m)am Naturpark“, mee du koum d’Coronakris, an esou geet een elo an d’Verlängerung. Déi dräi Lëtzebuerger Naturparken Öewersauer, Our a Mëllerdall hunn, an Zesummenaarbecht mam Ministère fir Energie a Raumentwécklung, elo decidéiert, déi 3. Editioun nach e bësse weiderlafen ze loossen.

Bis ewell si schonn 26. Projeten agereecht ginn. D’Verlängerung ass also net op ee Manktem u Participanten zeréckzeféieren. Den Organisateuren vum Concours ass et wichteg, grad elo an Zäite vun der Pandemie, alle Lëtzebuerger Privatpersounen, Betriber a Veräiner d’Méiglechkeet ze ginn, déi aktuell Situatioun kreativ ze notzen a sech Gedanken ëm d’Zukunft ze maachen.

Gesicht ginn innovativ an nohalteg Projeten an Events. D’Viraussetzung ass, datt de Projet oder d’Evenementer an engem vun den dräi Naturparken ëmgesat musse ginn. Am Ganze gi 6 Gewënner-Projeten ausgewielt, déi vun enger finanzieller Ënnerstëtzung vu bis zu 6.000 € profitéieren dierfen.

Wéi eng Projeten kënnen agereecht ginn?

Äre Projet sollt mat den Ziler vun den Naturparken harmonéieren. Dobäi ass een a vill méi Beräicher aktiv, wéi just Natur an Ëmwelt:

  • Tourismus a Fräizäitaktivitéiten (z.B. Een Hotel, deen op Zero Waste ëmklëmmt; Green Events; Organisatioun vu Kleedertauschbörsen;…)
  • Wirtschaftlech a sozio-kulturell Entwécklung (z.B. Innovativ Geschäfter mat regionale Produiten; Kannerbicher zu eiser Regioun an Traditiounen;…)
  • Erhalt an Opwäertung vum kulturelle Patrimoine (z.B. Handwierklech Traditiounen oprecht erhalen duerch Offeren an der Weiderbildung; Events zur Sensibiliséierung;…)
  • Natur an Ëmwelt (z.B. Iddien fir manner Offall ze produzéieren; Fräizäit-Offeren an der fräier Natur;…)

Op der jeeweileger Säit vun den Naturparke sti Formularen zur Participatioun zur Verfügung, déi Dir ausgefëllt mat Ärem Projet bis den 1. Mee 2020 entweder per Mail oder per Post un den Natur- & Geopark Mëllerdall (8, rue de l’auberge L-6315 Beefort) eraschécke sollt. Sollt Dir de Formulaire net fannen, kënnt Dir Iech gären iwwert info@naturpark-mellerdall.lu mellen.

Related topics Äre Projet (m)am Naturpark, Concours, Coronavirus, Covid-19, Fräizäit, Natur- a Geopark Mëllerdall, Naturpark Öewersauer, Naturpark Our, Tourismus, Zero Waste
Next post Previous post