Sichen

Dir kéint och nach folgende gefalen

Franséisch Preambel zum G7-Sommet vu Biarritz
Neiegkeeten

Franséisch Preambel zum G7-Sommet vu Biarritz

Well de Vladimir Putin net méi um groussen Dësch vun

surprise
Weltwäite Chaos – Jugend geréit a Panik: Facebook war stonnelaang offline
Neiegkeeten

Weltwäite Chaos – Jugend geréit a Panik: Facebook war stonnelaang offline

Wéinst engem (oder méi) Problem(er) hate vill Leit gëschter Mëtteg

Vu Fueren ënnert Alkohol-Afloss, Bedreeung mat enger Waff a méi
Neiegkeeten

Vu Fueren ënnert Alkohol-Afloss, Bedreeung mat enger Waff a méi

D’Lëtzebuerger Police hat leschte Weekend nees zolidd Aarbecht. Direkt e

Psychologesch Hëllef am virtuelle Raum

Internetsäit „covid19-psy.lu“ vun der Lëtzebuerger Liga fir Mental Hygiène ass elo online

Psychologesch Hëllef am virtuelle Raum

Nieft de gesondheetleche Problemer, ervirgeruff duerch de Coronavirus Covid19, déi esouwäit een dat feststelle kann, nach ënner Kontroll sinn, gëtt et Beräicher am Gesondheetswiesen, déi een net dierf ausblennen. Esou ass d‘Gefor grouss, datt duerch déi wuel berechtegt awer och bedréckend Isolatioun, déi de Virus de Mënschen operleet, confinéiert Persounen Angschtzoustänn erleiden.

Dat geet vun der Angscht sech ze infizéieren an de Geldsuerge bis hin zur Angscht seng Aarbecht ze verléieren. Dat a vill aner Onsécherheeten, mee och d‘Isolatioun selwer, a Verbindung mat enger verständlecher a seele beherrschter Frustratioun, dierfen net zu engem weider gesellschaftleche Problem ginn, firwat déi Lëtzebuerger Liga fir Mental Hygiène Asbl seng Leit mobiliséiert huet.

Fir all deene Mënschen ze hëllefen an ze ënnerstëtzen, déi mat dëser Situatioun iwwerfuerdert sinn, huet d‘LLHM, an Zesummenaarbecht mam Gesondheetsministère an de Partner aus dem psycho-soziale Secteur, eng Internetsäit ageriicht. D‘Säit ënner https://www.covid19-psy.lu (leider exklusiv op franséisch) ass als Complementaritéit zum offizielle Site „Covid19.lu“ ze verstoen.

Ënner covid19-psy.lu, sinn all déi noutwenneg Informatiounen opgelëscht ginn, déi an der jëtzeger Situatioun hëllefräich sinn. De Site adresséiert sech esouwuel un d‘Privatleit wéi och un déi Beschäftegt aus dem Gesondheetssecteur. Hei fannen dës Mënsche Recommandatiounen zum Erhalt vun der mentaler Gesondheet an Äntwerten op déi heefegst gestallte Froe vum Public.

All déi offiziell Matdeelungen, den Opruff un d‘Volontaire, Paperassen an aneres méi, sinn awer och weiderhin nëmmen op der Säit vun der Regierung (covid19.lu) anzegesinn. Eng däitsch Fassung vun der Internetsäit ass an Aarbecht, a soll esou séier wéi et d‘Ëmstänn zouloossen, dem Public zougänglech gemaach ginn. Eng Regelméisseg Aktualiséierung gëtt natierlech assuréiert.

Ähnlech Sujeten Coronavirus, Covid19, Lëtzebuerger Liga fir Mental Hygiène Asbl, LLHM, Sanitär Kris
Nächsten Artikel Virrechten Artikel