Search

You may also like

Sou wéi et ass, wäert et net bleiwen!
Neiegkeeten

Sou wéi et ass, wäert et net bleiwen!

Den neien Numm vu Jonk Lénk ass ab elo LAIKA.

Lindsey Stirling – Vun talentéierte Geiekläng an enger dreemerescher Show
Neiegkeeten

Lindsey Stirling – Vun talentéierte Geiekläng an enger dreemerescher Show

Vergaangene Freideg ass déi amerikanesch Violistin an Dänzerin Lindsey Stirling

De maltesesche Premier op „Aarbechtsvisite“
Neiegkeeten

De maltesesche Premier op „Aarbechtsvisite“

Empfaange gouf de Joseph Muscat den 18. Juli an Hotel

De Biergerdialog zur Reorganisatioun vum RGTR-Reseau

De Biergerdialog zur Reorganisatioun vum RGTR-Reseau

De ländlechen ëffentleche Verkéier (RGTR) gëtt bekanntlech net nëmme vum 1. Mäerz u gratis, nee dee gëtt och massiv reorganiséiert, an zwar schon zanter 2016. Grondsätzlech geet et heibäi dorëms, en equilibréierte Service um ganzen Territoire unzebidden. Bis Enn 2021 soll et ofgeschloss sinn.

Grousse wäert leeën se am Mobilitéitsministère op de Fait, datt den RGTR fir de Voyageur gutt liesbar, liicht ze benotzen a virun allem emol effikass soll sinn. Den Déngscht gëtt dann och nach bis 23 Auer verlängert, datt allerdéngs nëmme Samschdes a Sonndes op den Haaptstrecken.

Alles Changementer, esou de d‘Informatioun, déi immens Uspréch un d‘Organisatioun stellen. Et brauch eng besser Planifikatioun vun den Infrastrukturen, wéi d‘Busspuren, d‘Arrêten an de sougenannte „Pôle d‘Echange“. Wéi geplangt gëtt, op et Simulatioune gëtt? Kee weess et…

Wéi och ëmmer, déi éischt grouss Verännerunge soll et schonn am Mee 2020 ginn, also nach iert den neie Reseau vollstänneg am September 2021 steet. Dësen neie Reseau wëll den Transportminister François Bausch dem Vollek an de Lokalpolitiker héchstperséinlech virstellen.

Esou huet de Mobilitéitsminister eng Rei Rendez-vouse bekannt ginn:

  • 24. Februar Kulturzenter Cube521, zu Maarnech;
  • 26. Februar Zenter Roudemer;
  • 3. Mäerz Festsall vun der Primärschoul zu Iechternach;
  • 5. Mäerz Sall Nic Welter zu Miersch;
  • 9. Mäerz Géiss-Hal, Esch-Belval;
  • 16. Mäerz Däichhal, Ettelbréck;
  • 23. Mäerz Kultursall am Schlass zu Wolz;
  • 26. Mäerz Schoul- a Sportzenter „Gewännchen“ zu Réimech;
  • 30. Mäerz Multifunktiounszenter CELO, Hesper.

Dës Informatiounsversammlunge fannen all a Lëtzebuerger Sprooch statt, simultan Iwwersetzunge fir franséisch oder däitsch gi geleeëntlech ugebueden. Ufank ass och ëmmer 19 Auer, d‘Dauer vun enger Sëtzung gouf mat 90 Minutten uginn. Et ass do och erlaabt dem Minister Froen ze stellen.

Illustratioun: © Mitchell Johnson / unsplash

Related topics Biergerdialog, Ëffentleche Transport, François Bausch, Mobilitéitsministère, RGTR, RGTR-Reseau
Next post Previous post