Search

You may also like

Roboter a Computere iwwerhuelen eis iwwerall
Kultur Neiegkeeten

Roboter a Computere iwwerhuelen eis iwwerall

Et gëtt vill iwwert d’Digitaliséierung geschwat. Mee nëmme déi mannst

Déi gréng Stad: Akzenter setzen elo!
Kultur Neiegkeeten

Déi gréng Stad: Akzenter setzen elo!

Fir de François Benoy steet fest, wann een déi richteg

Vandalismus zu Miedernach – D‘Police sicht no Zeien
Kultur Neiegkeeten

Vandalismus zu Miedernach – D‘Police sicht no Zeien

An der Nuecht vum 22. op den 23. Januar hunn

Rock the South 2018: Legacy of Atlas als grousse Gewënner!

Vergaangene Samschdeg kruten um Rock the South véier Lëtzebuerger Bands d’Méiglechkeet, sech an hirer musikalescher Sphär ze beweisen. Hei huet een nees gesinn, wéi villfälteg déi national Musekszeen dach ass.

De Concours ass elo schonns fir déi 10. Kéier organiséiert ginn. D’Initiative fir de Rock the South koum deemools vun der Jugendkommissioun zu Péiteng a Kollaboratioun mam SNJ, dem Rocklab, 7FM, Radio Ara an Péiteng On Air. Jonk Newcomer-Bands haten hei d’Chance sech duerch hiert musikalescht Talent bei dëser Competitioun ze beweisen an esou flott Präisser ze gewannen.

Pünktlech um 19:30 Auer ass et lass gaangen. Déi véier ausgewielte Gruppe sinn bei hirem Optrëtt vun enger professioneller Jury bewäert ginn, déi dëst Joer aus zwee Membere vum Radio-Ara, dem Sänger vu Scarlet Anger engem Member vum SNJ an der Jugendkommissioun Péiteng bestanen huet.

No enger kuerzer Begréissung huet de villfältege Programm ugefaange mat Stelise, déi mat hire roueg-rockeschen, mee och melancholeschen Trip-Hop Kläng de Publikum a Stëmmung bruecht hunn. Uschléissend ass et mat Serpent Bite méi wëll ginn. D’Lëtzebuerger Metaller hu kräfteg an d’Säite gehae fir déi museksbegeeschtert Leit am Home St. Hubert mat ze rappen. Uschléissend konnt Drife säin Talent presentéieren. Majo a fir eng Band, déi et eréischt säit sechs Méint gëtt hu si dat mat hirem alternative rockege Stil op alle Fall gepackt. Ofgeronnt ginn ass de Concours mat Legacy of Atlas, déi dem Publikum gewisen hunn, datt och ee klengt Land grouss Kënschtler am Beräich Metalcore ze bidden huet.

All Band hat déi selwecht Konditiounen: an 30 Minutte misst ee sech beweisen a virun der Jury alles ginn. Nodeems déi véier Gruppen hir Optrëtter hannert sech haten huet de Jury sech zeréck gezunn, fir ee Gewënner ze ermëttele, wat bei esou villen talentéierte Museker a verschiddene Stiler guer net mol esou einfach ass. De Publikum ass awer net waarde gelooss gi mee gouf wonnerbar vu Fallen Lies an Irina ënnerhalen!

Verléierer gëtt et keng!

Beim Rock the South 2018 huet keng Band missen ouni Präis Heem goen, wat och nëmme richteg war! Folgendermoosse goufen d’Gewënner belount:

  •  Serpent Bite: Prix d’encouragement vun 100 €
  • Stelise: een Optrëtt bei „On Stéitsch“ 2019
  • Drife: eng Studioopnahm am Tounstudio AUDEO zu Lamadelaine
  • Legacy of Atlas: de Rocklab-Package am Wäert vun 1000 €

Do hat d’Metalcore Band wuel a voller Linn iwwerzeegt! Och wa si Newcomer sinn, hu si mat hirer Bühne-Professionalitéit an onbestreitbarer Maturitéit de Sall zum Biewe bruecht. An anscheinend hu si de Publikum esou matgerappt, datt esouguer ee klenge Circle Pit mat Pogo entstanen ass – an dëser Museksrichtung een Zeeche vu groussem Succès. Do ass et net verwonnerlech, datt déi jonk Kärelen 2019 nees um Festival optrieden dierfen, an Zukunft professionell encadréiert an ënnerstëtzt ginn an eng Memberskaart vum Rocklab kréien.

Iwwert eng Saach muss wuel net diskutéiert ginn: „An der Musek ginn et keng Verléierer“, wéi d’Sängerin vun Irina et esou schéi sot. Dëst Ausso ënnerstëtzte mir voll a ganz a freeën eis, dës Gruppen an Zukunft méi oft ze gesinn a virun allem ze héieren. Rock on!

Related topics Concours, Drife, Legacy of Atlas, Musék, Rock the South, Rocklab, Serpent Bite, SNJ, Stelise
Next post Previous post