Search

You may also like

Mäerderesch Justiz: Egypten glänzt mat 15 Hiriichtunge bannent 24 Stonnen
Neiegkeeten

Mäerderesch Justiz: Egypten glänzt mat 15 Hiriichtunge bannent 24 Stonnen

Wann et sécher richteg ass, datt Egypten net dat eenzegt

Mat Promi Power fir Lëtzebuerg
Neiegkeeten

Mat Promi Power fir Lëtzebuerg

No an no fëllen sech d’Lëschten, d’Parteie maache sech prett

Fashion Revolution Week 2019 – nach bis den 28. Abrëll!
Neiegkeeten

Fashion Revolution Week 2019 – nach bis den 28. Abrëll!

Dës weltwäit Campagne jäizt no enger fairer, sécherer a méi

Romain Schneider an natur&ëmwelt: een Echange fir d’Natur

Romain Schneider an natur&ëmwelt: een Echange fir d’Natur

Gëschter huet de Romain Schneider, Minister fir Landwirtschaft, Wäibau a ländlech Entwécklung sech mat der Asbl natur&ëmwelt getraff fir ee konstruktiivt Gespréich ze féieren.

Den Echange huet sech virun allem op de Regierungs-Programm bezunn, mat Prioritéit um neien Déiereschutzgesetz. Och d’Entwécklung vun der biologescher Landwirtschaft zu Lëtzebuerg an d’Erausfuerderunge vun der Landwirtschaft 2.0 stoungen op der Dagesuerdnung, fir behandelt ze ginn.

De Minister Romain Schneider huet de virbildlechen Engagement vun der Associatioun natur&ëmwelt begréisst an den Asaz bei der Fleeg vu blesséierten Déieren an der Statioun zu Diddeleng gelueft. Dës Fleegestatioun huet mëttlerweil dräi „Drop-Off’s“, jeeweils zu Jonglënster, Klierf an Nidderfeelen, wou een d’Déieren ofgi kann. An de leschte Joren sinn hei d’Interventiounen immens an d’Luucht gaangen.

Zur Reform vun der politescher Landwirtschaft no 2020 huet de Minister ënnerstrach, datt hien an Zukunft an Ofstëmmung an am Echange vun alle concernéierten Acteuren zu Lëtzebuerg enk zesumme schaffe wëll.

(v.l.n.r.) 1. Rei: Roby Biwer, President vun natur&ëmwelt; Romain Schneider,  Minister fir Landwirtschaft, Wäibau a ländlech Entwécklung; Lea Bonblet, natur&ëmwelt; Laure Cales, natur&ëmwelt – 2.Rei: Raf Strassen, Direkter vun der Fleegestatioun vir wëll Déieren; Andrée Loos, éischte Schäffe vum Landwirtschaftsministère; Felix Wildschutz, Direkter vun der Administratioun vum Veterinär -Service; Carlo Dahm, Administratioun vum Veterinär -Service © MA

Related topics Fleegestatioun fir wëll Déieren, Landwirtschaft, Natur, natur&ëmwelt, Romain Schneider
Next post Previous post