Search

You may also like

Asaz vu chemesche Waffen an Syrien: Sëtzung vum UN-Sécherheetsrot op Ufro vu Russland
Kultur Neiegkeeten

Asaz vu chemesche Waffen an Syrien: Sëtzung vum UN-Sécherheetsrot op Ufro vu Russland

Fir haut huet Russland eng Sëtzung vum UN-Sécherheetsrot aberuff. Et

An d’Häerz getraff: Tréinen iwwert Barcelona
Kultur Neiegkeeten

An d’Häerz getraff: Tréinen iwwert Barcelona

Et ass moies fréi, zwou Auer an der Alstad vu

Meenung: Liewenslänglech fir de Metzler vum Balkan, Ratko Mladic
Kultur Neiegkeeten

Meenung: Liewenslänglech fir de Metzler vum Balkan, Ratko Mladic

De bosnesch-serbesche Generol Ratko Mladic, dee besser bekannt ass als

D’Lëtzebuerger Kulturgeschicht, presentéiert an dräi Konferenzen

D’Lëtzebuerger Kulturgeschicht, presentéiert an dräi Konferenzen

An de leschte Joren sinn déi kulturell Beräicher duerch de Radio, d’Telé, den Theater an d’Musek ëmmer méi professionell ginn. Zesumme mam Lëtzebuerger Sproochen- a Literaturinstitut vun der Uni.lu ginn an de Rotondes d’Schlësselmomenter vun dëser Evolutioun spannend ervirgehuewen.

Schonn zënter 2018 organiséiert de Sproochen- a Literaturinstitut Konferenzen, déi der Lëtzebuerger Kulturgeschicht vum 19. Joerhonnert bis haut gewidmet sinn. Fir seng Saison 20/21 ginn dräi vun dëse Konferenzen, bei deenen a Kollaboratioun mam CNA a CAPE ënnert anerem och wäertvoll a bedeitend Dokumenter aus den Archiven gewise ginn.

Besonnesch fir all Persounen, déi un der Landschaft vun de Medien, dem Theater an der Musek vum Groussherzogtum interesséiert sinn, eegne sech dës informativ Owenter. Wéi huet sech ee Beräich weiderentwéckelt? Wéi gesäit et haut aus a wéi een Ereegnis war besonnesch markant?

Kulturgeschicht

De Programm

Déi éischt Konferenz fënnt um 14. Oktober statt a riicht sech un de Radio an d’Telé am 20. an 21. Joerhonnert. Ëm d’Presentatioun këmmert sech keen aneren wéi den Yves Steichen, deen de Publikum zeréck an d’Joer 1929 féiert, ier et iwwert déi medial Autobunn an d’Géigewaart geet.

Béid aner Konferenzen si fir Ufank 2021 geplangt. Am Januar presentéiert den Ian De Toffoli déi professionell Theaterbühn vun de 60er Jore bis haut, ier dann am Mäerz de Marc Clement sech op d’elektronesch Musek zu Lëtzebuerg gehäit.

D’Konferenze si gratis, mee d’Reservatioun am viraus ass obligatoresch.

Weider Informatiounen an d’Umeldung fannt Dir op rotondes.lu.

Related topics CAPE, Fernseh, Ian De Toffoli, Konferenz, Kulturgeschicht, Lëtzebuerger Sproochen- a Literaturinstitut, Marc Clement, Medien, Radio
Next post Previous post