Sichen

Dir kéint och nach folgende gefalen

Réckruffaktioun fir de „Kong Strong Sugar Free Energy Drink XXL“
Kultur Neiegkeeten

Réckruffaktioun fir de „Kong Strong Sugar Free Energy Drink XXL“

Déi fir Liewensmëttelsécherheet zoustänneg Administratioun huet matgedeelt, datt si vu

Feelt et um politesche Wëllen fir den Aarmut zu Lëtzebuerg ze bekämpfen?
Kultur Neiegkeeten

Feelt et um politesche Wëllen fir den Aarmut zu Lëtzebuerg ze bekämpfen?

Bei déi Lénk ass de Sujet „Aarmutsbekämpfung“ deel vum Programm.

Lux-Airport: Prinzipiellen Accord fir d‘Erneierung vum Kollektivvertrag
Kultur Neiegkeeten

Lux-Airport: Prinzipiellen Accord fir d‘Erneierung vum Kollektivvertrag

Den OGBL informéiert, datt si als majoritär Gewerkschaft zesumme mam

D’Rotondes blécken zeréck: Een aussergewéinlecht Joer 2019

D’Rotondes blécken zeréck: Een aussergewéinlecht Joer 2019

Am kulturelle Beräich hu sech déi lescht Méint vun der Pandemie bal wéi ee Joer ugefillt. Dësen Ament vun der Rou hunn d’Rotondes, ee Kulturzentrum zu Bouneweg ausgenotzt, fir de Bilan vun 2019 ze zéien, een nostalgesche Réckbléck ze woen a sech schonn op déi d’Zäit nom Ausnamezoustand ze freeën.

Besonnesch an Erënnerung bliwwen, ass de Summerfestival Congés Annulés, wou déi lokal Zeen gefërdert an ënnerstëtzt gëtt. T’ass dat Evenement, wou d’Sortie vun neien Alben vu Lëtzebuerger Kënschtler gefeiert gëtt, sou wéi beispillsweis vu C’est Karma oder och District7. Generell konnten um Niveau Concerten méi Visiteure gezielt ginn.

Am Beräich vun der visueller Konscht konnt 2019 duerch zwou Ausstellunge gepräägt ginn. Do hu mir ee Mol Chloé Pernarau/Cuistax, organiséiert am Kader vu Fabula Rasa a loop l’exposition, woubäi 10 Joer Videokreatioun zelebréiert gi sinn.

Carré Rotondes Programm

© Melvin Hatto/moien.lu

Dobäi kënnt déi zweet Editioun vun der Biennale vun der digitaler Konscht Zimlech Multiplica, sou wéi de kreative Festival TheOpenEnd. Ganzer fënnef nei Produktioune hu sech am Kader vu loop, cube a spot agegliddert.

De Rotondes hiert Zil ass et, mam Joresprogramm all Altersgruppen unzeschwätzen. Esou probéiert d’Ekipp Aktivitéite fir kleng Kanner, Jonker an Erwuessener unzebidden. An dësem Kader ass d’Konzept After-Talks agefouert ginn. No de Spektakelen huet de Publikum d’Méiglechkeet, sech mam Artist auszetauschen.

Immens houfreg ass de Kulturzentrum iwwert seng eege Produktiounen, respektiv Koproduktiounen. Heizou gehéiert ënnert anerem Willkommen, Bienvenue, Wëllkomm! an Ei, Ei, Ei?!

Wat der Ekipp besonnesch opgefall ass: D’Ressource musse richteg genotzt ginn. Ganzer 133 Evenementer sinn an de verschiddenste Faarwen a Formen dobaussen organiséiert ginn. Vu Multiplica, bis hin zum Street Food Festival eat it waren Organisatioun, Disponibilitéit a Kapassitéite gefrot.

„Mir hoffen virun allem eis verschidde Publika besser identifizéieren ze kënnen, Zilgruppen ze bestëmmen a si bei eis ze halen De Räichtum vun eiser Struktur ass, datt jiddwereen aus spezifeschen, awer immens ënnerschiddleche Grënn bei eis kënnt. Elo ass et un eis virunzefueren, ouni nozeloossen“, erkläert den Direkter Steph Meyers.

Aktuell freet d’Team vun de Rotondes sech op déi post-pandemesch Zukunft. Et hofft een d’Aktivitéiten nees mat Motivatioun an Energie Ufank August ophuelen ze kënnen an am Hierscht an d’Saison 20/21 starten ze dierfen.

Ähnlech Sujeten 2019, Carré Rotondes, Concert, Congés Annulés, Fabula Rasa, Joresrapport, Multiplica, Post-Pandemie, Réckbléck, Retrospektiv, Steph Meyers, Street Foot Festival, TheOpenEnd
Nächsten Artikel Virrechten Artikel