Chantier an der Rue Ste Zithe (05-07.12.2020)

D’Stad Lëtzebuerg deelt mat, datt am Kader vum Luxtram-Chantier dat ëffentlecht Versuergungsnetz an der Rue Ste Zithe um Eck vun der Paräisser Plaz erneiert gëtt. D’Aarbechte fänke Samschdes, de 5. Dezember géint 7:00 Auer un an dauere bis Méindes, de 7. Dezember géint 18:00 Auer.

Aus dësem Grond wäert d’Rue Dicks tëscht der Avenue de la Liberté an der Rue Ste Zithe, an d’Rue Ste Zithe tëscht der Rue Dicks an der Paräisser Plaz wärend dem Chantier fir de Verkéier gespaart sinn. D’Stad Lëtzebuerg këmmert sech ëm d’Beschëlderung vun der Ëmleedung.

Am viraus soen déi Responsabel Merci fir de Versteesdemech an entschëllege sech fir eventuell Onannehmlechkeeten.