Search

You may also like

Facebook ënner Beschoss wéinst schlechtem Ëmgang mat perséinlechen Daten
International Neiegkeeten

Facebook ënner Beschoss wéinst schlechtem Ëmgang mat perséinlechen Daten

Facebook war um Méindeg de Mëttelpunkt vun enger Polemik, déi

Fir eng participativ an equitabel „low-carbon“ Gesellschaft
International Neiegkeeten

Fir eng participativ an equitabel „low-carbon“ Gesellschaft

Leschte Mëttwoch hunn d‘Ëmwelt-, Energie- a Klimaminister vum Benelux: Carole

EU Green Deal: Gutt fir de Klima, schlecht fir d’Biodiversitéit
International Neiegkeeten

EU Green Deal: Gutt fir de Klima, schlecht fir d’Biodiversitéit

Um 11. Dezember huet déi Europäesch Kommissioun de mat grousser

Sécher a responsabel ënnerwee: T’ass Safer Internet Day 2020!

Sécher a responsabel ënnerwee: T’ass Safer Internet Day 2020!

Am Kader vum sougenannten haitegen Safer Internet Day (SID) setzt och Lëtzebuerg sech ganz fir eng sécher, responsabel a positiv Notzung vum Internet an. Ënnert dem Motto „Together for a better internet“ steet déi digital Welt a seng Sensibiliséierung am Virdergrond.

Et ass well déi 16. Editioun vum SID, een Aktiounsdag, dee säin Ursprong am edukative Beräich huet. Mam Opkommes an der Entwécklung vun ëmmer neie Medien an Technologië wuessen och d’Erausfuerderungen un den Notzer. Ma genau do spréngt d’Plattform BEE SECURE an: Zil ass et ze sensibiliséieren an ze informéieren, dat mat zuelräiche Formatiounen (iwwer 1.100 Stéck fir 2019), Campagnen an Events. Donieft setzt d’Initiativ sech awer och fir an der Berodung, mellt illegal Inhalter an bedreift ee sougenannten Trendmonitor.

Am vergaangene Joer hunn 514 Persounen d’Helpline vun der Initiative ugeruff, 447 hu via Internet Kontakt opgeholl. Haaptthema waren dobäi Kriminalitéit um Internet, Dateschutz a Cybermobbing. Am Ganzen huet hir sougenannt Stopline 3.269 Meldungen erakritt, wouvunner 2.679 als illegal agestuuft goufen: 2.521 Mol sexuelle Mëssbrauch vu Mannerjäregen 152 rassistesch an diskriminéierend Inhalter, wéi och 6 terroristesch Contenuen. Opfälleg ass, datt d’Zuele vu Joer zu Joer klammen, wouduerch d’Beméiungen zum Schutz an zur Sensibiliséierung verstäerkt musse ginn.

Safer Internet Day

(v.l.n.r.) Judith Swietlik, BEE SECURE an SNJ; Jeff Kaufmann, BEE SECURE an SNJ; Barbara Gorges, Kanner-Jugendtelefon; Sally Stéphany, BEE SECURE © Shari Pleimelding/moien.lu

Schwätze mer vum sécheren a responsabelen Ëmgang mam Internet, da ka jiddweree vun eis och vun doheem aus aktiv ginn. Et gi verschidde Méiglechkeeten, wéi een um SID deelhuele a sech géint Mëssbrauch schütz kann. Nieft de verschiddenen Aktiounen an Evenementer, déi haut um Programm stinn, réit BEE SECURE:

  • Allen Notzer vum Internet intelligent Passwierder, mat op mannst 8 Zeechen an enger Kombinatioun aus Buschtawen, Zuelen a Sonnerzeechen, ze erstellen (weider Informatioune ginn et HEI);
  • Är Applikatioune reegelméisseg ze aktualiséieren an all Uwendungen ze läschen, déi Dir net wierklech braucht;
  • Är Sécherheetsastellungen a Privatsphär op de soziale Medien ze iwwerpréiwen (weider Informatioune ginn et HEI)
  • Sech och emol eng Paus vum Internet ze gënnen (weider Informatioune ginn et HEI)

Dräi Publikatiounen

Reegelméisseg entwéckelt BEE SECURE verschidde Publikatiounen, Applikatiounen a Spiller, déi de responsabelen Ëmgang mam Internet all Altersgrupp méi no brénge sollen. Am Kader vum Safer Internet Day wëll ee besonnesch folgend dräi Outilen ervirhiewen:

  • Mäi Kand um Internet? 10 Rotschléi fir si ze begleeden (FR, DE)
    Mat 10 kuerze a prezise Rotschléi ginn Eltere beroden, wéi si hiert Kand beim sécheren, responsabelen a positiven Ëmgang mam Internet ënnerstëtze kënnen.
  • De Bibi an de clevere Petzi – Sécher spillen (LU, FR, EN)
    Bei der 5. Folge vum Bibi sengen Aventurë léiert de klengen Held, wéi een seng Spillsaache sécher notzt.
  • Pedagogesche Kit – Cybermobbing
    Fir d’Inclusioun ze fërderen a soumat och Persoune mat engem Handicap anzeschléisse gouf dëse pedagogesche Kit entwéckelt an u Persoune mat mentalen Defiziter ugepasst, sou datt hinnen d’Thema Belästegung um Internet méi no bruecht gëtt.

All Publikatioun kritt een a physescher, sou wéi och an digitaler Form. All Verëffentlechunge vu BEE SECURE fannt Dir HEI.

Related topics Barbara Gorges, Bee Secure, Cybermobbing, Digital, Internet, Jeff Kaufmann, Judith Swietlik, Kanner- a Jugendtelefon, Mëssbrauch, Safer Internet Day 2020, Sally Stéphanie, Sécherheet, SID, SNJ
Next post Previous post