Search

You may also like

Covid19 Iwwersiicht
International Neiegkeeten

Covid19 Iwwersiicht

Nodeems leschte Freideg vum Xavier Bettel an dem Paulette Lenert

Een neien Direkter fir de Fuersécherheetszenter zu Kolmer-Bierg
International Neiegkeeten

Een neien Direkter fir de Fuersécherheetszenter zu Kolmer-Bierg

De Fuersécherheetszenter (Centre de Formation pour Conducteurs) huet elo annoncéiert,

Aarbechten an der Allée Pierre de Mansfeld
International Neiegkeeten

Aarbechten an der Allée Pierre de Mansfeld

D’Stad Lëtzebuerg informéiert doriwwer, datt e Samschdeg, de 25. Januar

Algrange: 7. Salon vun de Frontalieren

E senger Aart eenzegaarteg, an ëmmer méi wichteg bei sech verännerenden Aarbechtskonditiounen

E Freideg huet direkt hannert eiser Grenz den OGBL mat enger helle Wull u Partner scho säi 7. Salon vun de Frontalieren ofgehalen. Déi éischt Gewerkschaft am Land ënnerhält am Frankräich alles an allem véier Büroen, wou hir Membere mat Rot an Dot gehollef kréien.

Deen eelsten ass zu Mont-Saint-Martin, mee et gëtt och e Büro zu Däitsch-Oth, zu Wuelmereng an zu Diddenuewen. De Salon vun 2019 ass dann och vun de Komerode vun der Sektioun Wuelmereng um Boulodrom zu Algrange organiséiert ginn. Déi genannte Büroen ënnerhalen all Woch zéng Permanencen. All noutwenneg Informatiounen dozou fannt dir ënnert www.ogbl.fr.

Alles an allem kënnen déi véier Sektiounen am Frankräich sech op eng 14.000 Membere beruffen, an et dierften der roueg méi sinn, ugesiichts der grousser Unzuel vu franséische Grenzgänger. Och dofir ass dëse Salon wichteg. De Christian Simon-Lacroix, Zentralsekretär vum Departement vun de Frontalieren huet eis eng rei Informatiounen zu dësem Salon ginn.

Esou ee Salon, deen sech op déi aktuell Besoine vun de Lounofhängege konzentréiert, soll alle Grenzgänger – egal ob se scho Member sinn oder nach net – erméiglechen déi Froe lasszeginn déi mat de ville Verännerungen a Reformen zu Lëtzebuerg zesummenhänken. Natierlech géif et ëm d‘Aarbecht an d‘Aarbechtsrecht goen, mee och eng ganz Rei aner Themen hunn hir Importenz.

Do wieren all déi Froen déi sech op d‘Sozialversécherung, d‘Fiskalitéit an d‘Studiëbäihëllef bezéie mee natierlech spillt och de Volet Mobilitéit op dësem Salon eng grouss Roll. Fir de Christian Simon-Lacroix ass et eng eenzegaarteg Geleeënheet fir iwwert déi am Alldag begéinte Problemer ze schwätzen. An u Problemer feelt et net, wéi et de Beispill „Steiererklärung“ androcksvoll duerstellt.

Begréissenswäert dann och ëmmer nees d‘Bereetschaft vun de staatleche Verwaltungen an/oder Institutiounen, un dësem Salon deelzehuelen. Esou de Cedies, wou et ëm d‘Bourse fir d‘Studente geet, mee och d‘Mobilitéitszentral wou sech vill Frontaliere froe wat d‘Gratuitéit vum ëffentlechen Transport fir si bedeit. Vill Froe gouf et och zum Teletravail an natierlech de Steieren…

De Salon vun de Frontaliere mécht awer och däitlech, datt et gutt a wichteg ass gewerkschaftlech organiséiert ze sinn. An dat gëllt selbstverständlech net nëmme fir d‘Grenzgänger. Och d‘Residente sollten sech bewosst ginn, datt mat der Digitalisatioun, der energetescher Transitioun an engem Patronat, deen d‘Tripartite an d‘Aarbechtsrecht a Fro stellt, d‘Gewerkschafte wichteg sinn.

Foto: © Martine de Lagardère/moien.lu

Related topics Gewerkschaft, Grenzgänger, OGBL, Salon des Frontaliers
Next post Previous post