Sichen

Dir kéint och nach folgende gefalen

Erkenns du dës Kierchtierm?
Neiegkeeten

Erkenns du dës Kierchtierm?

Et ginn honnerte vu Kierchen zu Lëtzebuerg. Do kann et

Déi lénk: dem Koalitiounsaccord feelt et u Perspektiven
Neiegkeeten

Déi lénk: dem Koalitiounsaccord feelt et u Perspektiven

Bei déi lénk, ass een nach ëmmer op der Sich

RoundUp-Prozess: Monsanto geet an Appell
Neiegkeeten

RoundUp-Prozess: Monsanto geet an Appell

Monsanto huet en Dënschdeg d‘Prozedur fir an Appell ze goe

Schëffleng goes Télévie – Kaffiskränzche géint de Kriibs

Schëffleng goes Télévie – Kaffiskränzche géint de Kriibs

D’Schëfflenger Gemeng engagéiert sech och dëst Joer nees fir den Télévie. Esou wäerten si vum 14. bis den 19. Januar Grouss a Kleng mat Iessen a Gedrénks verwinnen!

Dës Aktioun fënnt op der Fräiheetsplaz zu Schëffleng, all Dag vu 07:00 Auer Mueres bis 17:00 Auer Owes statt. D’Damme vum Sekretariat vun der Schëfflenger Gemeng zerwéiere Kaffie, Kuch, Glühwäin a Schampes – sou ass fir jiddwereen eppes dobäi! Den Erléiss vun dëser Aktioun geet integral un den Télévie.

Méi zur Aktioun Télévie

D’Organisatioun vum Télévie setzt sech fir d’Fuerschung géint de Kriibs an. Och hei zu Lëtzebuerg ginn all Joer méi wéi 2.000 Erwuessener a Kanner mat der Diagnos Kriibs konfrontéiert. Dës Krankheet ka jiddweree vun eis treffen a sou gëllt et een Heelmëttel ze fannen. Scho säit 2002 sëtzt och de Grand-Duché sech dofir an, mat groussen Aktiounen ee méiglechst héijen Erléis ze kréien.

Sou sinn an der Period vun 2002 bis 2018 bei eis am Land iwwer 21 Milliounen Euro an d’Kriibsfuerschung investéiert ginn. Eng onbeschreiflech fantastesch Zuel! An awer stierft nach ëmmer eng vu véier Persounen un dëser Krankheet. All Engagement zielt, an esou kann een nëmmen hoffe méiglechst schnell eng Léisung ze fannen, fir Kriibs heelen ze kennen

Weider interessant Datumer

  • 03.03.2019: Concert vum David Ianni
    Um 17:00 Auer wäert de Pianist an der „Salle Grand-Duc Jean“ an der Gemeng vu Schëffleng een extra vir dëst Evenement komponéiert Wierk virdroen
  • 06.03.2019: Konferenz vun der Dr. Simone Niclou
    Um 19:00 Auer invitéiert d’Schëfflenger Gemeng an d’Salle Grand-Duc Jean op de Virtrag vun enger Doktesch, déi an der Recherche géint de Kriibs aktiv ass
Ähnlech Sujeten David Ianni, Dr Simone Niclou, Gemeng Schëffleng, Kaffi a Kuch, Kriibs, Televie
Nächsten Artikel Virrechten Artikel