Sichen

Dir kéint och nach folgende gefalen

Déi Lénk – Schluss mam Putsch an Amëschen a Venezuela
dating compatibility test questions https://moien.lu/how-to-tell-if-he-just-wants-a-hook-up/

hookup area

Géint d’Regierung a Venezuela vum Maduro wëllen elo verschidde Muechte

dating apps around the world
dating compatibility test questions https://moien.lu/how-to-tell-if-he-just-wants-a-hook-up/

Schwéiert Äerdbiewen op der iranesch-irakescher Grenz

Um spéide Sonndegowend si bei engem schwéieren Äerdbiewen, engem éischte

Salvini gewënnt: déi italienesch Regierung léisst sech op
dating compatibility test questions https://moien.lu/how-to-tell-if-he-just-wants-a-hook-up/

Salvini gewënnt: déi italienesch Regierung léisst sech op

Um véier Auer gëschter Nomëtteg huet den italienesche Regierungschef Giuseppe

Schueberfouer 2019 – Eng deier Lëtzebuerger Traditioun!

Schueberfouer 2019 – Eng deier Lëtzebuerger Traditioun!

Vum 23. August bis den 11. September gëtt och an dësem Joer nees déi traditionell Schueberfouer um Glacis organiséiert. Scho säit 1340 existéiert dëst faarwegt Evenement, dat den Adrenalinpegel eropdreift an de Portmonnie ee gutt Stéck méi eidel mëscht. Sidd Dir och bei der Editioun 2019 nees mat dobäi?

Mat 6 neie Spiller sollen d’Leit a Massen ugezu ginn. De Crazy Clown, den Techno Power, den Transformer, den Intoxx, den Aeronaut an d’Alpina Bahn glidderen sech tëscht déi divers Attraktiounen, déi Kleng a Grouss ee Laachen op d’Gesiicht zaubere sollen, an. Am Ganze wäerten esou ronn 250 Stänn ze fanne sinn, déi sech ënnert anerem an 80 Verkafsstänn, 16 Spiller fir kleng Kanner, 13 Restauranten a 16 Séissegkeetestänn opdeelen.

Eng Ausstellung zu Joerhonnerten u Lëtzebuerger Traditioun

Eigentlech ass eis Fouer deemools vum Jang de Blannen, Kinnek vu Böhmen a Grof vu Lëtzebuerg, als Verkafs-Foire gegrënnt ginn. Bis haut huet sech dëst Fest gehalen an zitt all Joer iwwer 2 Millioune Visiteuren aus dem Grand-Duché an der Groussregioun un. Et war eréischt am Laf vum 19. Joerhonnert, datt sech dës Foire, déi am spéide Summer um Glacis stattfënnt, sech zum Amusement fir d’Bevëlkerung weiderentwéckelt huet.

Am Lëtzebuerg City Museum kann een esou nach bis den 29. Mäerz 2020 d’Entwécklung vun dem spannenden Evenement noverfollegen. Och wann eis Fouer ähnlech wéi aner grouss Kiermessen an Europa gewuess ass, esou hu mir zu Lëtzebuerg e puer Partikularitéiten opzeweisen: Nieft der Proximitéit zum Stadkär ass och den internationale Charakter vun der Schueberfouer aussergewéinlech. Mëttlerweil kommen d’Schausteller aus de verschiddensten Ecker vun Europa, wat sech natierlech och un hire Stänn bemierkbar ass – kuckt een dach nëmmen emol déi divers Iesskulturen, déi um Glacis ze fanne sinn.

Mat senger relativ klenger Fläch vu 4,4 Hektar sinn d’Stänn, d’Spiller an aner Attraktiounen och immens no uneneen, wat sech fir déi eng als schéi kuscheleg, fir anerer als grousst Zerdrécks erausstellt.

Bei der Ausstellung ginn unhand vu Fotoen, Karten, Affichen a Filmer een Abléck an den Amusement vun e puer Joerhonnerte gebueden. Heizou gehéieren natierlech d’Optrëtter vun de berühmte Seckbachs oder och d’Wild West Show vum Buffalo Bill.

Brauch Lëtzebuerg dat nach?

Eng esou al Traditioun opzegi wier, wéi wann de Superjhemp bemol Schockelasbotter géif iessen, amplaz vu Kachkéis. Soumat kann een dës Fro schnell mat engem Jo beäntweren. Ob een elo all zweeten Dag eng spannend Zäit mat de Kollegen um Glacis verbréngt, ee Mol mat der Famill laanscht d’Attraktioune schlendert, oder och einfach doheem bleift, laanscht d’Fouer kënnt wuel kee vun eis.

D’Kritiken, déi an de leschte Joren ëmmer méi grouss gi sinn, dréien sech haaptsächlech ëm d’Präisser an d’Gedrécks – zwee Aspekter un deenen ee mat Sécherheet schaffe kann. Wéineger ass heiansdo méi, wat an dësem Fall esouguer zu den zwou Kritike passt. Virun allem un de Familljendeeg a Weekender muss ee wierklech de Wëllen, sou wéi zwee staark Ielebéi hunn, fir sech säi Wee zu den Churros an dem Riserad fräizekämpfen.

D’Kombinatioun aus méi niddrege Präisser an e bëssi méi Plaz fir ze Ootmen hätt dobäi net nëmme Virdeeler fir d’Visiteuren. Een allgemeng méi glécklecht Klima zitt schliisslech méi Publikum un a léisst bei sou muncher Persoun och de Portmonnie méi oft opgoen. A wien trotzdeem op alle Fall NET mat dobäi wëll sinn, majo déi hunn och hiert gutt Recht doheem ze bleiwen. An dësem Sënn wënsche mir vill Freed op de Spiller, respektiv um Kanapee!

Opmaacherfoto © Martine de Lagardère/moien.lu

Ähnlech Sujeten Glacis, Jang de Blannen, Lëtzebuerg, Schueberfouer, Traditioun
Nächsten Artikel Virrechten Artikel