Sichen

Dir kéint och nach folgende gefalen

Du wëlls de Vizekanzler mat “f*ck” vernennen? Ass ok, soulaang s de et begrënne kanns!
International Neiegkeeten

Du wëlls de Vizekanzler mat “f*ck” vernennen? Ass ok, soulaang s de et begrënne kanns!

Dem Vizekanzler “Fuck” ze soen an him de Mëttelfanger ze

dislike
Findel: Keng Eenegung a Siicht
International Neiegkeeten

Findel: Keng Eenegung a Siicht

Wéi een um Freidegmoie gewuer ginn ass, huet den Direkter

surprise
ALEM: Hu mir genuch Dokteren zu Lëtzebuerg?
International Neiegkeeten

ALEM: Hu mir genuch Dokteren zu Lëtzebuerg?

D‘Vertrieder vun der Lëtzebuerger Associatioun vun de Medezinsstudente (ALEM) gesi

Schutz vun de Bëscher: D’EU-Kommissioun geet net wäit genuch!

Schutz vun de Bëscher: D’EU-Kommissioun geet net wäit genuch!

Virun enger Woch huet déi Europäesch Kommissioun dem Europäesche Parlament am Ëmweltausschoss hire Message „Intensivéierung vun den EU-Moossnamen zum Schutz an zur Recuperatioun vun de Bëscher an der Welt“ presentéiert. D’Konzept, wat um 5. September am EU-Parlament virgestallt ginn ass, stellt eng Reaktioun op déi nach ëmmer wäitreechend Zerstéierung vun de Bëscher an der Welt duer.

Tëscht 1990 an 2016 ass eng Fläch vun 1,3 Millioune km² Bësch verluer gaangen, wat ronn 800 Fussballfelder pro Stonn entsprécht. Ugedriwwen duerch d’Nofro u Liewens- a Fuddermëttel, Biokraaftstoffer, Holz an aner Materialie geet d’Entwaldung virun.

Déi gréng Europa-Deputéiert Tilly Metz, Member am Ëmwelt-Ausschoss, kommentéiert: „D’Kommissioun erkennt déi grondleeënd Roll vun de Bëscher als „Long“ vum Planéit un an deelt déi traureg Diagnos vun hirem immens schlechten Zoustand. D’Äntwert ass awer extrem schwaach an der Erausfuerderung net gewuess. D’Kommissioun stäipt sech op „Fërderung“, „Dialog“, „Ureiz“, „Zertifizéierung“, „fräiwëllegt Handelen“. Dat ass net genuch! Mir mussen d’Selbstreguléierung vun der Industrie direkt stoppen a verbindlech Reegelen aféieren.

Et feelen och Virschléi fir verbindlech Virschrëfte fir eisen eegenen Handel a Verbrauch an der EU. Mir sinn ee staarke Verbraucher vu Fleesch a Mëllechproduiten a beispillsweis och de weltwäit gréissten Importateur, Veraarbechter a Konsument vu Kakao. Et läit dofir an der direkter Verantwortung vun der EU, Handel a Verbrauch esou ze reegelen, datt den Drock op d’Land an d’Bëscher weltwäit reduzéiert gëtt.

D’Tilly Metz erwaart vun der EU-Kommissioun méi Kohärenz: Hei gëtt nämlech ee Konzept zum Schutz vun de Bëscher proposéiert, wärend op der anerer Säit d’GAP (Gemeinsam Agrarpolitik) intensiv Landwirtschaft an de massiven Import vu Fuddermëttel aktiv fërdert an de President Bolsonaro den Amazonas-Reebësch vun der Agroindustire-Lobby affert.

Ähnlech Sujeten Bësch, Bolsonaro, déi gréng, Ëmwelt, Entwaldung, EU-Kommissioun, EU-Parlament, Reebësch, Schutz vun de Bëscher, Tilly Metz
Nächsten Artikel Virrechten Artikel