Search

You may also like

Näischt Neies, an awer gutt genuch: Set it up ass eng ënnerhalend Romcom
Neiegkeeten

Näischt Neies, an awer gutt genuch: Set it up ass eng ënnerhalend Romcom

Netflix probéiert zënter enger gudder Zäit schonn, sech als Filmproduzent

money
Am beschte liewe léisst et sech zu: Melbourne
Neiegkeeten

Am beschte liewe léisst et sech zu: Melbourne

Scho vir déi siwente Kéier hannert eneen, ass déi australesch

Opgepasst: Saisonsbedingte Wëldwiessel!
Neiegkeeten

Opgepasst: Saisonsbedingte Wëldwiessel!

De Fall gesat et wier iech entgaangen: wëll Déieren halen

De Wee bei d’Poubelle kann dach net esou schwéier sinn

De Wee bei d’Poubelle kann dach net esou schwéier sinn

Chirurgesch Masken a Schutzhändschen gehéiere weder an d’Natur oder op d’Strooss, nach an d’Toilette, a sollen och net a an der bloer Tonn, respektiv am bloe Sak landen! Ëmmer erëm loosse Knaschtpittien- a Kettien hiren (eventuell) virebelaaschteten Offall dobaussen trëllen. Domat maache si de Botzequippen net nëmmen onnéideg Aarbecht, mee belaaschten och nach d’Ëmwelt.

Esou Schutz- an Hygiènesmaterial, dat momentan eiser aller Liewe bestëmmt, braucht nämlech iwwer 450 Joer, fir sech ze zersetzen. Muppen a wëll Déiere gi krank, wa si eise Knascht friessen. Ma, déi blo a wäiss Stécker loossen d’Stied, d’Bëscher an d’Parken nawell och richteg ellen ausgesinn, wa se um Buedem, an der Heck oder op er Wiss landen.

Et ka jo net esou schwéier sinn, d’Mask an d’Poubelle ze geheien!

Chirurgesch Masken an FFP2-Masken bestinn aus Polypropylen, erkläert de CHEM. Jo, dat ass ee Konschtstoff. Nee, si gehéieren dofir net an d’Valorlux-Tut. All Offall, dee kontaminéiert kéint sinn, gehéiert an déi gro Poubelle. Bei der Entsuergung gëtt dëst Material nämlech verbrannt an d’Krankheetserreeger vernicht.

Geheit een d’Hygiènesmaterial an d’Toilette kann et iwwregens zu grousse Schied am Ofwaassersystem kommen. Ënnert anerem ass et d’Wahrscheinlechkeet grouss, datt esou d’Pompele verstoppen. Wien ënnerwee keng Poubelle fënnt, dee soll dach wann ech gelift seng gebrauchten Händschen a Masken an eng Tut maachen an dës Doheem entsuergen.

Poubelle

Opération Mer Propre

Den CHEM mécht op de Recyclage opmierksam

Nodeem d’Stad Lëtzebuerg, zesumme mat natur&ëmwelt an der Lëtzebuerger Ëmweltberodung (EBL) scho viru Méint op 4 Sproochen dorop opmierksam gemaach hunn, datt d’Mask net an d’Natur gehéiert, zitt elo och den CHEM op de soziale Medien no.

Aus dem Polypropylen, dee fir d’Kreatioun vun de chirurgesche Maske genotzt gëtt, ginn och beispillsweis Gaardemiwwelen hiergestallt. De Stoff ass net biologesch ofbaubar.

Poubelle

CHEM / Facebook

Ma, och wann elo méi Offall ufält, ass d’Spidol beméit, säin Dreck an 33 Kategorien z’ënnerdeelen, déi op verschidden Aart a Weisen entsuergt musse ginn an deelweis och e spezifeschen Traitement benéidegen. Déi 5 Haaptkategorie sinn:

  • Geféierlech Offäll;
  • Standard Offall;
  • Traditionellen recycléierbaren Offall;
  • Spezifeschen Offall vun den Aktivitéite vun de Servicer;
  • Infektiéisen Offall, dee stockéiert an zerstéiert gëtt mat Verpakung.

Eleng am Joer 2018 sinn am Ganzen 1.191 Tonnen Offall ugefall. Dovu sinn 66 Tonnen zur Energiegewannung genotzt an 1.125 Tonnen recycléiert ginn.

Opmaacherbild: Esou an der Stad Lëtzebuerg gesinn a leider keen Eenzelfall © Martine de Lagardère / moien.lu

Related topics Belaaschtung, Centre Hospitalier Emile Mayrisch, CHEM, Chirurgesch Masken, Covid-19, Déieren, Ëmwelt, FFP2-Masken, Gro Poubelle, Knaschtketti, Knaschtpitti, Lëtzebuerger Ëmweltberodung, Natur, natur&ëmwelt, Offall, Plastik, Polypropylen, Poubelle, Recycling, Schutzhändschen, Schutzmask, Spidol, Stad Lëtzebuerg, Valorlux, Verknaschtung, Viren, Zersetzung
Next post Previous post