Search

You may also like

Schoulrentrée an der Stad
International Neiegkeeten

Schoulrentrée an der Stad

Ulässlesch der Schoulrentrée 2018/2019 hunn eis Buergermeeschtesch, Lydie Polfer, déi

CLAE: „d‘Gesellschaft zesumme gestalten“
International Neiegkeeten

CLAE: „d‘Gesellschaft zesumme gestalten“

De CLAE, dee fir eng „Erliichterung“ bei de linguistesche Kritäre

ILNAS: Zwee E-Bikes sinn komplett duerchgefall!
International Neiegkeeten

ILNAS: Zwee E-Bikes sinn komplett duerchgefall!

Viru kuerzem huet ILNAS, déi sech ëm Qualitéit, Sécherheet a

Am Asaz virun der libescher Küst

Datt Sea-Watch 4 endlech op seng Séinoutrettungsmissioun konnt goen, huet eppes Guddes. Wann een dat esou soe kann, d'Nouvelle huet schonn e batteren Nogeschmaach.

Am Asaz virun der libescher Küst

D’Schëff, ee gemeinsame Projet vu Sea-Watch e.V.; Dokteren ouni Grenzen (MSF) an United4Rescue, hat de Samschden, de 15 August 2020 den Hafe vu Burriana (Spuenien) verlooss, et ass momentan dat eenzegt Schëff, wat um Mëttelmier am Asaz ass. Wien d’Equipe op de sozialen Netzwierker begleet, weess dat et net einfach ass.

Sea

An der Nuecht op den 22 August huet d’Sea-Watch 4 hiert Asazgebitt erreecht. E Massegraf, dat sech Baussegrenz vun der EU nennt an eleng an dësem Joer iwwer 300 bestätegt Affer gefuerdert huet. 30 Séimeile virun der libesche Küst huet et dunn geheescht – no Mënschen an Nout sichen. An dunn war et esou wäit!

Den 22 August konnt een op hirer Säit noliesen, dass d’Equipe 7 Mënsche gerett huet. Hiert Boot gouf fir d’éischt vum Schëff Louise Michel gesinn. D’Crew huet d’Situatioun stabiliséiert an d’Sea-Watch 4 als méi grousst a bessert equipéiert Schëff ugefuerdert. D’Mënsche si bei hinnen u Bord a gi vun den Dokteren ouni Grenze versuergt.

Sea

© Sea-Watch / SeaWatch4Crew

Firwat de batteren Nogeschmaach?

Well erëm Mënschen op der Sich no Sécherheet erdronk sinn. Virun der libescher Küst ass e Boot mat 80 Persounen u Bord ënnergaangen – de Motor ass explodéiert. Déi vu Watch The Med – Alarmphone informéiert Autoritéiten hunn net gehollef. Op d‘mannst 45 Persounen, dorënner 5 Kanner hunn hiert Liewe gelooss. Ongeféier 37 Iwwerliewend goufe vu lokale Fëscher gerett an zeréck a Libyen bruecht.

Et ass kloer: Eng staatlech Séinoutrettung a sécher, legal Fluchtweeër mussen hier!

Foto: © Sea-Watch / SeaWatch4Crew

Related topics Dokteren ouni Grenzen, Mëttelmier, MSF, Sea-Watch, Sea-Watch4, Séinoutrettung, United4Rescue
Next post Previous post