Sichen

Dir kéint och nach folgende gefalen

Et brennt: Dës Kéier zu Bettel
International Neiegkeeten

Et brennt: Dës Kéier zu Bettel

Kuerz no 10:00 Auer de Moien ass et an der

Dem Streik um Findel aus dem Wee gaangen
International Neiegkeeten

Dem Streik um Findel aus dem Wee gaangen

Nodeem e Mëttwoch de Minister, d’Gewerkschaften an d’Personalvertriedung, sech op

Italienesch Regierung setzt Rentereform ëm a féiert Biergerakommes an
International Neiegkeeten

Italienesch Regierung setzt Rentereform ëm a féiert Biergerakommes an

Um spéiden Donneschdegowend war et beschloss: Milliounen Italiener solle vun

Dramatescht Séiongléck virun der libescher Küst

No engem Schëffbroch am Mëttelmier ginn honnerte Mënsche vermësst

Dramatescht Séiongléck virun der libescher Küst

No Informatioune vum UNHCR an der OIM, kéint sech gëschter virun der libescher Küst dat fir dëst Joer gréisste Séiongléck zougedroen hunn. Hëllefsorganisatioune fäerten datt iwwer honnert Mënschen erdronk sinn. Fir den Ament awer, sinn d‘Informatiounen nach widderspréchlech.

E Spriecher vun der libescher Küstewaach huet uginn, datt eng 250 Mënschen sech mat zwee Booter opgebrach waren. Virun der Küstestad al-Chums soll et dann zur Havarie komm sinn. Et wier gelongen eng vun de Nossschuelen zeréck un d‘Küst ze bréngen, dat anert wier ënnergaangen.

Wéi vill Mënsche bei dësem Schëffbroch hiert d‘Liewe verluer ass onkloer. Laut UNHCR an OIM géif d‘Zuel vun den affer tëscht 100 an 150 leien. De Chef vum UN-Flüchtlingswierk UNHCR, Filippo Grandi huet via Twitter vun der gréisster Tragedie fir dëst Joer geschwat

Vun de libescher Küstewaach koum d‘Informatioun, datt 115 Persoune vermësst ginn, 1 Läich wier schonn aus dem Mier gefëscht ginn, mee 134 Migranten aus verschiddenen afrikaneschen an arabesche Länner hätte kënne gerett ginn. Déi libesch Küstewaach war vu Fëscher ënnerstëtzt ginn.

mat indymedia/tlv

Foto: © Sea Watch Intl.

Ähnlech Sujeten Libyen, Mëttelmier, Migratioun, OIM, Rettungsschëff, Séinoutrettung, UNHCR
Nächsten Artikel Virrechten Artikel