Sichen

Dir kéint och nach folgende gefalen

natur&ëmwelt – Analys vum Koalitiounsofkommes
International Neiegkeeten

natur&ëmwelt – Analys vum Koalitiounsofkommes

Déi dräi Regierungsparteien DP, LSAP an déi gréng hunn den

Vill Doudeger a Blesséierter béi Selbstmordattentater am Nigeria
International Neiegkeeten

Vill Doudeger a Blesséierter béi Selbstmordattentater am Nigeria

An engem Flüchtlingslager zu Mandarari am Nordoste vum Nigeria, hunn

Mam Vëlo op d’Schaff
International Neiegkeeten

Mam Vëlo op d’Schaff

Säit dem 15. Mee ass am Grand-Duché alles um Vëlo

Sexuelle Mëssbrauch: D‘Kierch mécht seng eege Gesetzer

Zumindest ass et fir de Poopst net (méi) akzeptabel Verbriechen ze decken...

Sexuelle Mëssbrauch: D‘Kierch mécht seng eege Gesetzer

De Poopst Francis schéngt sech virgeholl ze hunn, mat enger weiderer Traditioun vun der Kierch ze briechen: „et solle keng Verbrieche méi vertuscht oder gedeckt ginn“, esou den hellege Papp deen e Gesetz erlooss huet, mat deem vum Äerzbëschof bis zum Laien, jiddereen zur Meldung verflicht ass.

Fir déi kathoulesch Kierch ass et eppes wéi e Paradigmewiessel, fir Mënschen déi selbstänneg denke kënnen, beschtefalls schmiereg Propaganda. An engem „neie Gesetz“ huet de Poopst Francis verfüügt, datt all Member vun der Kierch, onbeuecht senger Positioun, zukünfteg gehalen ass Mëssbrauch ze mellen. D‘Gesetz geäit och vir, liicht zougänglech Meldestellen anzeriichten.

An sengem „motu propriu“ (aus eegenem Undriff – also vum Poopst perséinlech verfaasst) huet de Kierchemann bestëmmt, datt Affer a Whistleblower musse geschützt ginn. Hir Aussoen an Hiweiser solle mat Wuelwëllen opgeholl a mat gréisstem Eescht verfollegt ginn. Et soll zudeem séchergestallt ginn, datt kengem deen e Mëssbrauch mellt, an der kathoulescher Kierch et Nodeel entsteet.

Affer muss gehollef ginn

Dës weidere sollen d‘Affer an hir Familljen, elo och „geeschtlech“a „medezinesch“ Hëllef an Usproch huelen dierfen. Fest steet elo och, datt ee sech no „Kiercherecht“ Strofbar mécht, wann ee Mëssbrauch deckt oder Ermëttlungen (bewosst) behënnert. Laut dem Äerzbëschof Charles Scicluna, Glawenskongregatiounssekretär, ass et ee weltwäit gültegt Gesetz an ee staarkt Zeechen…

Laut dem Poopst-Gesetz mussen déi regional „Direktioune“ méi Verantwortung iwwerhuelen, an d‘Äerzbëscheef hunn elo, wann e Verdacht virläit, d‘Recht géint Geeschtlecher (egal ob Paschtouer oder Bëschof) an hirem Verantwortungsberäich ze ermëttelen. Verdachtsfäll mussen elo an engem Zäitraum vun héchstens 30 Deeg dem Vatikan gemellt ginn.

Weltlech Gesetzer respektéieren

De Sekretär vum vatikanesche Justizministère, Juan Ignazio Arrieta Ochoa, gëtt weider Erklärungen zum Gesetz, dat keen an der kathoulescher Kierch entbënnt mat den offiziellen Autoritéiten (Staat) zesummenzeschaffen. „Jidderee muss strengstens d‘Virschrëfte vum jeeweilege Land respektéieren. Besonnesch d‘Verflichtung Gesetzverstéiss den zoustännegen Autoritéiten ze mellen“, sot hien.

Interessant – well kaum ugeschwat – d‘Gesetz bezitt sech net nëmme méi op de Mëssbrauch vu Mannerjäregen, et soll zukünfteg och eppes géint „d‘Belästegung vun Erwuessenen“ ënnerholl ginn. Domatter kéint dem systematesche Mëssbrauch vun Nonnen endlech Rechnung gedroe ginn. D‘Gesetz trëfft, esou déi offiziell Ausso, elo am Juni a Kraaft a muss bis Juni 2020 ëmgesat ginn.

Dat wichtegst aus dem Gesetz

  • Weltwäit muss all Diözes eng oder méi liicht zougänglech Meldestellen ariichten. All Bierger soll e Verdacht hei melle kënnen;
  • all Geeschtleche vun der kathoulescher Kierch ass verflicht Verdachtsfäll ouni Delai a vollstänneg bei de Meldestellen anzereechen. Dat gëllt ausdrécklech fir Fäll vu sexuellen Iwwergrëff duerch Geeschtlecher, egal wéi e Rang ze bekleeden. D‘Beichtgeheimnis soll awer bäibehale ginn;
  • bestëmmt Forme vu Verstéiss, déi géint dat 6. Gebuet (dat ass de Passus mam Adultère) handelen, ginn unerkannt. Dozou gehéiert: „ënner Gewalt oder Bedreeung oder Amtsmëssbrauch erfollegtem Zwang sexuell Handlungen ze vollzéien oder ze erleiden.;
  • déi nei Regele gëllen explizit och fir Paschtéier, déi bei de Nonne Masse feieren an d‘Beicht ofhuelen. Sexuell Handlunge mat Kandidaten zum Amt vum Paschtouer si generell verbueden;
  • d‘Vertuschung vu Mëssbrauch ass elo e Strofdotbestand. D‘Verfahre gi beschleunegt, Ermëttlunge musse bannent 3 Méint no der éischter Meldung ofgeschloss sinn;
  • d‘Kierch muss scho beim Verdacht ob sexuelle Mëssbrauch Hëllef ubidden.

mat indymedia/rom/bru

Ähnlech Sujeten kathoulesch Kierch, motu propriu, Poopst Francis, Sexuelle Mëssbrauch, Vatikan
Nächsten Artikel Virrechten Artikel