Search

You may also like

Eng gréng Architektur vun der zukünfteger Landwirtschaft
Neiegkeeten

Eng gréng Architektur vun der zukünfteger Landwirtschaft

D’EU-Parlament stëmmt an dëser Woch iwwert d’Virschléi vun der EU-Kommissioun

surprise
Fräi Tribün: Cannabis – E Kaddo fir déi Jonk?
Neiegkeeten

Fräi Tribün: Cannabis – E Kaddo fir déi Jonk?

Et steet ausser Fro, datt déi geplangte Legaliséierung vum Cannabis

D’Rentrée an d’Gemengewahlen hunn d’Stad voll am Grëff
Neiegkeeten

D’Rentrée an d’Gemengewahlen hunn d’Stad voll am Grëff

Zuelen iwwer Zuelen: Mat 4.953 Kanner (477 am Precoce –

Erfarungen a Kompetenze gewannen: Als Benevole beim SNJ

Erfarungen a Kompetenze gewannen: Als Benevole beim SNJ

Zënter méi wéi 20 Joer ënnerstëtzt de Service National de la Jeunesse (SNJ) jonk Leit vu 16 bis 30 Joer bei hirem Iwwergank zum Beruffsliewen. Well de Jugendchômage klëmmt, kënnen seng fräiwëlleg Serviceprogrammer eng reell Alternativ zu Jugendbeschäftegung an Inaktivitéit sinn.

De fräiwëllege Service riicht sech dobäi un ALL jonk Leit. Déi eenzeg Konditioun: Sech bei enger Missioun vun allgemengem Interesse zu Lëtzebuerg, an engem aneren europäesche Land oder méi wäit ewech wëllen engagéieren. Offréiert gi Beräicher wéi Entwécklungszesummenaarbecht, Kultur, Engagement fir Fridden, Ëmweltschutz an / oder Déieren, Sport, Tourismus oder sozial an edukativ Aarbecht.

Dës Erfarung, déi iwwregens gratis fir de jonke Mënsch ass, bitt d’Méiglechkeet Fäegkeeten a Kompetenze wéi Selbstkenntnisser, Autonomie a Verantwortung ze léieren, awer och Sproochekenntnisser ze gewannen, Kulturen an technesch Fäegkeeten ze entdecken. Mat dësen essentielle Fäegkeeten gëtt een e Stéck méi op d’Aarbechtswelt preparéiert.

Wärend sengem Engagement profitéiert de jonke Mënsch vum Statut als Benevolat, wat et him erlaabt staatlech Hëllef unzefroen, verbonne mat der Sozialversécherung. Dës weidere gëtt de Jugendlechen och vun engem qualifizéierten Team encadréiert, deen hatt/hien a senger Karriär begleet.

SNJ

D’Virdeeler fir jonk Leit, Temoignagen, Konditiounen an d’Aufgaben, fannt Dir op www.volontaires.lu. D’Dauer vun de Missioune variéiert tëscht 2 Wochen an 12 Méint a passt sech esou der Disponibilitéit an der Liewenssituatioun vun der jonker Persoun un.

Fir déijéineg, déi nach méi praktesch Erfarunge wëllen, bitt den SNJ och en Orientéierungscours vu 4 Woche an engem Atelier un (Holzwierk, Bitzmaschin, Bildschiermdréck a Kachen). Méi Informatioun dozou ginn et op www.alj.lu.

Related topics Benevolat, Benevole, Beruffsliewen, Beschäftegung, Chômage, Encadrement, Jugendaarbechtslosegkeet, Service National de la Jeunesse, SNJ, Sozialversécherung, Volontaire
Next post Previous post