Search

You may also like

Schonn déi 25. Editioun vum „Luxembourg Beach Open“
Neiegkeeten

Schonn déi 25. Editioun vum „Luxembourg Beach Open“

Ob sech d‘Jongen an d‘Meedercher, déi viru gutt engem Véierelsjoerhonnert

Fir de Klimaschutz: D’Lycéesschüler kréien d’Wuert!
Neiegkeeten

Fir de Klimaschutz: D’Lycéesschüler kréien d’Wuert!

No der Manifestatioun um 15. Mäerz 2019, bei der dausende

Déi spuenesch Konservativ hunn e neie Leader
Neiegkeeten

Déi spuenesch Konservativ hunn e neie Leader

Nodeems de konservative „Partido Popular“ (PP) sech eng Renommée gemaach

déi Lénk: Fir eng solidaresch an human Migratiounspolitik

déi Lénk: Fir eng solidaresch an human Migratiounspolitik

Enn Februar huet déi tierkesch Regierung d’Ëffnung vu senge Grenzen zu Griicheland a Bulgarien annoncéiert. Säitens der europäescher Unioun koum duerch dësen neien Undrang u Verbannten eng aussergewéinlech Gewalt. Bericht gëtt vum Zeréckgräifen op Munitioun an Tréinegasgranaten duerch d’Kräften op Uerder vu Griicheland, wéi vu Versich fir Schëffer senken ze loossen. Duerch de Prinzip vun der Net-Zeréckweisung goufen d’Ankömmlingen illegal an d’Tierkei gedrängt, dat mat Ënnerstëtzung vu Representanten vun europäeschen Institutiounen.

Eng gutt Partie vun den 42.000 Verbannten op de griicheschen Insele ginn hei schonn zënter Méint, respektiv Joren zeréckgehalen. Et handelt sech also net ëm eng nei Situatioun. Mir befannen eis an enger humanitärer Katastroph, déi undauert a riskéiert an der aktueller Pandemie nach schlëmmer ze ginn.

Déi materiell a sanitär Konditiounen vun den Elendsvéierelen maachen de Respekt vun de Sécherheets- a Precautiounsmoossnamen onméiglech. Dat extreemt Zesummeliewen mécht et net méiglech, de Kontakt ze limitéieren. De Manktem u fléissendem Waasser léisst et als Illusioun erschéngen, sech reegelméisseg d’Hänn wäschen ze kënnen. D’Infrastrukture vun de Spideeler, déi schonn zu Normalzäiten iwwerlafen, kënnen d’Augmentatioun vu Kranken net duerchstoen.

Mat engem solidaresche Geste huet Lëtzebuerg sech bereet erkläert 12 Mannerjäreger, ouni Begleedung opzehuelen. Der UNHCR no ware 6.000 Mannerjäreger leschte Februar a Griicheland isoléiert, dovunner 2.000 an den Hotspotten. Dofir fuerderen déi Lénk d’Lëtzebuerger Regierung op:

  • Beim Rot vun der Europäescher Unioun eng Demande anzereechen, fir esou de massiven Undrang unzëerkennen an déi verschidde Mechanismen vun der europäescher Direktiv 2001/55CE auszeléisen. Esou kënnen den 42.000 concernéierte Persounen temporär Openthaltsgeneemegungen an de verschiddene Länner vun der EU bewëllegt ginn a si vun de griicheschen Inselen evakuéiert ginn;
  • Esou schnell wéi méiglech méi, wéi déi 12 vun 2.000 Kanner vun de griicheschen Inselen opzehuelen, sou wéi och eng Partie Mannerjäreger, fir déi solidaresch Aktioun weider auszebauen. D’Vulnerabilitéit ass keng Fro vun Alter;
  • D’Ofkommes vun Dublin, dat virun allem a Spuenien, Griicheland an Italien ee staarkt Gewiicht huet, auszesetzen;
  • Esou wéi a Portugal, all Persounen um Territoire ze reguléieren fir hinnen een Accès op Fleeg ze garantéieren.

Dës Ëmstänn si weder nei, nach spezifesch a Griicheland, an och net un d’Pandemie gebonnen. Zënter Joren ass d’Liewe vun de Verbannten duerch (Iwwer)Liewenskonditiounen gepräägt, duerch déi hir Grondrechter reegelméisseg lächerlech gemaach ginn. Wärend déi Europäesch Unioun a seng Memberstaaten eng repressiv Sécherheetspolitik uwennen an d’Grenzen ausglidderen, steet d’Liewe vun de Verbannten um Spill.

Der List of Deaths vu UNITED no, ginn 36.570 Doudesfäll der europäescher Migratiounspolitik tëscht 1993 an Abrëll 2019 zougeschriwwen. Dës gewalttäteg an onhuman Politik steet am totale Géigesaz zu de gemeinsamen an nationalen europäesche Wäerter, an dréit dozou bäi, datt Leit ouni Pabeieren ënnerwee sinn an am Verbuergene liewe mussen.

Aus dësem Grond ass et generell, a grad elo zur Zäit vun der Pandemie, noutwenneg dëser onwierdeger Kris, déi schonn ze laang undauert, een Enn ze setzen.

Matgedeelt vun déi Lénk

Related topics déi lénk, EU-Migratiounspolitik, Gewalt, Griicheland, List of Deaths, Mannerjäreg, Tierkei, UNITED
Next post Previous post