Sichen

Dir kéint och nach folgende gefalen

Wéi gutt kenns du d’Eifeler Regel?
Neiegkeeten Sport

Wéi gutt kenns du d’Eifeler Regel?

D’Eifeler Regel suergt bei ville Lëtzebuerger vir Kappzerbrieches. D’Reegele wierken

Public Forum zum Journalismus: Ureegend Diskussioun, vill oppe Froen
Neiegkeeten Sport

Public Forum zum Journalismus: Ureegend Diskussioun, vill oppe Froen

Enges muss een dem Forum bei hirer Diskussiounsronn gëschter loossen:

Sträit ëm Äerdgasvirkommen an der Ägäis
Neiegkeeten Sport

Sträit ëm Äerdgasvirkommen an der Ägäis

De Recep Tayyip Erdogan bleift sech am Sträit ëm d‘Äerdgasvirkommen

Sport: Esou wëll een eraus aus dem Confinement

Sport: Esou wëll een eraus aus dem Confinement

Haut de Mëtteg huet de Sportsminister Dan Kersch d’Moossname presentéiert, wéi een am Beräich Sport mam Deconfinement ëmzegoen huet. Heivir huet de Ministère eng Lëscht mat allen 32 Sportaarten opgestallt, déi praktizéiert dierfe ginn. D’Schwämmen a Fitnesszenteren bleiwe bis op Weideres zou.

Ab e Méindeg, den 11. Mee ass sportlech Aktivitéit nees méiglech, soulaang dës dobaussen ausgeüübt gëtt. Dobäi gëlle folgend Reegelen:

  • Kierperkontakt ass net erlaabt
  • Et dierf net zu Competitiounen kommen
  • Visiteuren dierfen et keng ginn
  • Duschen a Vestiaire bleiwen zou

De Minister huet dobäi preziséiert, datt trotz der Erlaabnis zum Sport dobaussen ab e Méindeg nach ëmmer de Proprietär vun der Infrastruktur dat lescht Wuert huet.

De Schutz vun den Athleten ass essentiell, d’Gesondheet steet iwwert allem. Aus dësem Grond hunn zënter e Méindeg ausgewielte Spëtzesportler nees d’Méiglechkeet an der Coque ze trainéieren. Si kruten dofir ee spezielle Stonneplang zesummegesat, sou datt de Kontakt zu anere Persounen op ee Maximum reduzéiert gëtt. Donieft ginn d’Athlete vun Infirmière betreit, déi hinne weisen, wéi d’Hygiènes-Moossnamen ëmzesetze sinn.

Doriwwer hannenaus ginn an de verschidde Schoulen keng Sportscoursen ugebueden. Eleng de Sportlycée kritt eng Derogatioun, fir ënnert bestëmmte Sécherheetsvirkéierungen sportlech Aktivitéiten ausüben ze kënnen. Hei soll sech allerdéngs op Ausdauer, Kraaft a Koordinatioun beschränkt ginn.

Zu gudder Lescht huet de Minister nach emol d’Säit Aktivdoheem.lu ervirgehuewen. D’Plattform mat Übungen fir déi kierperlech Fitness gouf speziell fir d’Zäit vun der Pandemie ageriicht. Mat 45.000 Klicks erlieft een hei een besonneschen Erfolleg.

Déi ganz Pressekonferenz fannt Dir nach emol hei:

Opmaacherbild: © SIP / Emmanuel Claude

Ähnlech Sujeten aktivdoheem.lu, Athleten, Coque, Covid-19, Dan Kersch, Deconfinement, Gesondheet, Sport, Sportsministère
Nächsten Artikel Virrechten Artikel