Superjhemp Retörns: A Kanada am Kino, bei eis op DVD!

Samsa Film ass houfreg matzedeelen, datt de Film „Superjhemp Retörns“ och um nord-amerikaneschen Territoire um Ecran lafe wäert. Duerch een Accord tëscht Paul Thiltges Distributions a Shoreline Entertainement gëtt dëse Succès méiglech.

Nodeems zu Lëtzebuerg 60.000 Spectateuren den nationale Superheld am Kino begeeschtert verfollegt hunn wäert de Superjhemp elo och op der anerer Säit vum Atlantik mam Ënnertitel „Superchamp returns“ lafen.

De Film gëtt donieft och um Cinefest Sudbury International Film Festival, dee vum 14. bis den 22. September zu Sudbury an der kanadescher Provenz Ontario, presentéiert.

No engem Joer Gedold bestätegt Samsa Film, datt de jéngste Film iwwert de Superjhemp ab November op DVD a Bluray ze kafe wäert sinn. Wien et net erwaarde kann, deen dirf elo scho seng Virbestellung am Shop maachen.

Den DVD gëtt et fir 19,99 € an enthält nieft dem Film nach franséischen an engleschen Ënnertitel, Audio-Kommentarer vum Realisateur, ee Making-Öf a 7 Features (Castin, Musek, Marketing, Sound Design, Location Scouting, d’Zeen vun der Kathedral, VFX). D’Bluray, déi fir 24,99 € Iech gehéiere kann, enthält donieft och nach ee Super Bonus mat Fernseh-Reportage ronderëm de Film.