Greenpeace entlarvt de Greenwashing vun der europäescher Investitiounsbank
Datt sech um haitege Mëttwochmueren d‘Aktiviste vu Greenpeace bei der EIB eng kleng Aktioun erlaabt hunn, dat fir alt nees oder ëmmer nach déi eppes pharisäerhaft Finanzpolitik vun dëser jo awer wichteger Institutioun ze denoncéieren. De Pressespriecher vun EIB versteet dat alles net, et géif een ee ganz grousse Bäitrag géint d‘Äerderwiermung leeschten.
Elo muss een dem Mann, dee fir esou ee Positionnement ausser enger Pai nach aner Avantagen huet, elo eppes Versteesdemech entgéintbréngen. An dat hien eppes veriergert war, datt Greenpeace him dës Aktioun net schonn am August ugekënnegt hat, firwat hien elo ënner groussem Zäitdrock ee Communiqué zesummenneele muss, wärend de Verwaltungsrot siegéiert, absolut novollzéibar.
Wat dann elo d‘EIB ugeet, esou ass een net nëmme bei Greenpeace dovunner iwwerzeegt, datt déi europäesch Investitiounsbank weider klimaschiedlech Projete finanzéiert. Fakt: fir d‘Lobbyiste bannent der EIB ass Gas kee fossille Brennstoff, firwat dës Ressource an déi derzougehéiereg Industrie weider mat Kreditter zougehäit ginn. A mat der Kuel ass net wierklech besser wéi ee weess.
PGE, de polnesche Konzern mat onerwënschten Niewewierkungen, ass nach ëmmer net op der Schwaarzer Lëscht vun der EIB. Grouss Autobunnsprojete wéi den Ausbau vun der A46, wou den Danneröder Bësch geaffert gëtt ass e weidert Beispill. Et ass nach nennenswäert, drop hinzeweisen, datt d‘Agrarindustrie gestäipt gëtt. A ronn en Drëttel vun de Finanzementer gëtt net emol gepréift…
Dat verhënnert net, datt d‘EIB sech als Klimabank versteet. Si wäert sech nees mat vill verbalem Asaz de Virwërf verwieren, an eise Finanzminister dierft se a Schutz huelen. Lëtzebuerg ass jo awer den europäeschen Zentrum vun der nohalteger a grénger Finanz an huet besonnesch am Beräich Ëmweltschutz an CO²-Emissiounen, hei besonnesch den Emissiounshandel, eng grouss Expertise.
Foto & Video: © Martine de Lagardère / moien.lu
Annex:
« European Greenwashing Bank » : activistes rebaptisent la BEI
