De Freideg, den 4. Mäerz goufen erëm Honnerte vu Mënschen am zentrale Mëttelmier ofgefaangen a géint hiere Wëllen zeréck a Libyen verschleppt.
Dat ass ganz kloer ee Verstouss vun hire Mënscherechter. Déi sougenannte libesch Küstewuecht mécht net wat se soll, ausser sech Suen an d’Täsch ze stiechen. Och Frontex schéngt erëm bedeelegt gewiescht ze sinn, eng Dron huet d’Boot iwwerwaacht.
Ouni den Opklärungsfliger Sea-Bird vu Sea-Watch an hirer Crew wär dëse Verstouss net opgefall. Wärend hirer Ronn hunn si dräi Booter an Nout entdeckt. Dobäi gouf ee Boot mat ongeféier 200 Persoune gewaltsam zeréckgefouert. Do erwaart dës Mënschen net vill – ausser Folter an den Doud.
Déi europäesch Autoritéiten hunn net mat Sea-Watch zesummegeschafft. Si hunn deen einfache Wee gewielt an der libyscher Küstewuecht d’Aarbecht iwwerhuele gelooss.
Dëst ass vëlkerrechtswiddreg.
D’Schicksal vun de Mënsche vun den aneren zwee Booter ass onbekannt. Den Opklärungsfliger huet se eidel opfonnt.
D’Wieder léisst et aktuell net zou, mee Sea-Watch beméit sech, esou dacks ewéi méiglech am Asaz ze sinn. Dës weideren dokumentéiere si Mënscherechtsverletzungen duerch déi sougenannte libesch Küstewuecht. Nëmmen esou gëtt d’Ëffentlechkeet d’Wourecht gewuer.
