D’Taxie plënneren op d’Place de la Constitution

De Stater Gemengerot huet decidéiert, d’Taxie vun der Rue Notre-Dame op d’Place de la Constitution ze verleeën. Dës Entscheedung gouf getraff, fir datt Caféën a Restauranten hir Terrasse virun den Etablissementer notze kënnen, sou datt de Secteur vun der Horesca weider ënnerstëtzt ka ginn.

Esou informéiert d’Stad Lëtzebuerg, datt ab e Mëttwoch, de 17. Juni 2020 d’Taxien op der Konstitutiounsplaz ze fanne sinn. D’Liwwerzonen an der Rue Notre-Dam bleiwen déi selwecht, wéi virdrun.

An dësem Kader erënnert een drun, datt zënter Ufank Juni 2020 och Taxien an der Rue Willy Goergen zur Verfügung stinn. Dës Plaze goufen elo bäigefüügt, fir d’Offer an der Haaptstad ze optimiséieren.

Opmaacherfoto © Lexi Ruskell / Unsplash