Search

You may also like

Net noloossen! Et gesäit besser aus wéi et ass
International Kultur

Net noloossen! Et gesäit besser aus wéi et ass

Zu Lëtzebuerg ass ee sech säitens der Regierung, och oder

Tierkei: Schweden besuergt, Däitschland geet et duer
International Kultur

Tierkei: Schweden besuergt, Däitschland geet et duer

No der Verhaftung vu sechs Amnesty International (AI) Membere bei

EU-Talk zur Vakanz 2020 – Dat kann nach eppes ginn!
International Kultur

EU-Talk zur Vakanz 2020 – Dat kann nach eppes ginn!

Reegelméisseg invitéiert d’Europäescht Parlament zu Lëtzebuerg op seng sougenannt Webinaren,

Tournage vun „Mission Impossible 6“ ënnerbrach

Tournage vun „Mission Impossible 6“ ënnerbrach

Well sech d’Star Tom Cruise beim Tournage vum sechsten Opus vun der Saga „Mission Impossible“ de Knéchel verknackst huet, hunn d’Dréiaarbechte missen ënnerbrach ginn.

De Schauspiller vu 55 Joer, bekannt dofir seng geféierlech Konschtstécker selwer ze maachen, muss sech dës Kéier iwwerschätzt hunn. Beim Versuch tëscht zwee Gebaier ze sprangen, awer duerch ee Kabel geséchert, huet hien sech un enger Bëtongsmauer gestouss.

An der spezialiséierter Filmpress ass riets vun enger eeschter Verletzung um Knéchel, méiglecherweis e Broch. Den Accident wier schonn e Samschdeg am Zentrum vu London passéiert an et wieren och Biller am Internet ze gesinn.

D’Sortie vu „Mission Impossible 6“ un deem och d’Angela Bassett an den Alec Baldwin Deelhuelen, soll awer wéi virgesinn, 2018 erauskommen. Wéinst dem Virfall ass den Tournage fir zwee Méint ënnerbrach ginn. De Schluss soll elo géint Chrëschtdag gedréint ginn, mellt den Hollywood Reporter.

Am „Variety“, eng aner Bibel vun der amerikanescher Filmbranche, gëtt vun dräi Méint Retard geschriwwen. „Variety“ berifft sech hei op eng anonym Quell „no vun der Produktioun“. Déi wëll wëssen, datt sech den Tom Cruise en zweefache Knéchelbroch zougezunn huet an och un de Hëft blesséiert wier.

Et ass net fir ze fäerten…

Den Tom Cruise gëtt zu Hollywood fir seng Heldenhaftegkeet bewonnert. Wat unhand diverser Virfäll an Angschtmomenter dokumentéiert ass.

Laut dem Annabelle Wallis, den zweete Star aus der Horrorsaga „The Mummy“ hat nach eppes méi fréi am Joer verroden, datt de Cruise ëfters seng „Matspiller“ ermontert, och déi geféierlech Zeene selwer ze maachen. Op der „CinemaCon“ am Mäerz huet d’Wallis erzielt, den Acteur hätt hatt iwwerriet an enger Zeen, wou ee Fliger eroffält, matzemaachen. Eng Zeen déi ouni Problem virum gréngen Ecran hätt simuléiert kënne, an numeresch opgeschafft ginn.

D’Zeen huet an zwee Deeg misse 64 mol widderholl ginn. De fräie Fall vum Fliger aus grousser Héicht wier dann och alles gewiescht, mee just kee Pleséier. „Den Tom ass bekannt dofir, sech ze versécheren, datt de Public déi flottste visuell Erfarung kritt“, esou d’Schauspillerin vun 32 Joer. „Et sprengt ee vu Gebaier a ganz Stied explodéieren. Den Tom mécht alles a besteet drop, datt d’Acteuren dat och maachen“, füügt den Jake Johnson, den dem Tom Cruise säi Sidekick an „The Mummy“ spillt, bäi.

mat AFP

Foto: De Tom Cruise bei engem „The Mummy“ Fan-Event zu New York am Juni (© Angela Weiss/AFP)

Related topics Annabelle Wallis, Jake Johnson, Mission Impossible, The Mummy, Tom Cruise
Next post Previous post