Sichen

Dir kéint och nach folgende gefalen

Bildung a Verkéier: zentral Themen am CSV-Wahlprogramm
Neiegkeeten

Bildung a Verkéier: zentral Themen am CSV-Wahlprogramm

Autobunnen, den Ausbau vum Tram, Vëlosweeër laanscht all nei Strooss.

„Schmaacht et?“… en Event bei deem iech d‘Häerz opgeet
Neiegkeeten

„Schmaacht et?“… en Event bei deem iech d‘Häerz opgeet

Um Tennisterrain zu Sennengerbierg ass et schonn déi 8. Editioun

Annapolis: Schéisserei an der Zeitung, fënnef Mënsche musse stierwen
Neiegkeeten

Annapolis: Schéisserei an der Zeitung, fënnef Mënsche musse stierwen

An Der Redaktioun vun der „The Capital Gazette“ zu Annapolis,

Tragedie um Mëttelmier: 200 Mënschen erdronk

Tragedie um Mëttelmier: 200 Mënschen erdronk

Dëser Deeg riskéieren nees dausende Mënschen d‘Flucht iwwert d‘Mëttelmier an dat oft mat Schlauchbooter déi fir eng Iwwerfahrt net ausgeluecht sinn. Esou hunn dëse Weekend als nees méi wéi 200 Migrante virun de libescher Küst de Wee Richtung Europa mam Liewen bezuelt.

Iwwerliewender hunn den Rettungsequippen an der Küstewaach vun Italien an Libyen vun direkt ee puer Booter erzielt déi sollen ënnergaange sinn. An engem Fall, esou italienesch Medien, soten d‘Migranten, datt hiert Schlauchboot d‘Loft verluer hätt nach iert d‘Rettungsequippen op der Plaz gewiescht wären. Dobäi eleng wieren 60 Mënschen erdronk.

D‘Agence Reuters zitéiert eng Meldung vun der libescher Küstewaach: „Siwen Iwwerliewender hätte bericht, datt hiert mat 170 Migranten iwwerluedent Boot ënnergaange wier.“ D‘Flüchtlingswierk vun der Vereente Natiounen huet ee Boot mat 132 Refugiéeën gemellt, datt schonns leschte Freideg net wäit vun der libescher Küst ënnergaangen ass. Hei konnten den Informatioune no nach just 50 Leit vun engem Handelsschëff gebuerge ginn.

Un der libescher Küst sinn dann och sëlleche Läichen fonnt ginn, dorënner och déi vun engem klenge Kand. Säit ee Freideg konnten awer och ronn 6.600 Migranten um Mëttelmier a Sécherheet bruecht ginn.

Säit ugangs vun dësem Joer hunn sech knapp 45 dausend Mënschen op Booter iwwert d‘Mëttelmier a Richtung Europa gemaach. De gréissten Deel iwwert déi zentral Route vun der libescher Küst aus. Se kommen meeschtendeels aus de Südsaharastaaten wéie Nigeria, Eritrea an Gambia. Laut der internationaler Organisatioun fir Migratioun sinn säit Joresufank wäit iwwer dausend Mënschen ëm d‘Liewen komm. 2016 waren et der iwwer fënnef dausend.

Nächsten Artikel Virrechten Artikel